2020-04-28 12:04:07, 1677 ნახვა

---

„ევროპული საქართველო“ მოითხოვს, გაიზარდოს ტესტირებათა რაოდენობა, რათა შესაძლებელი გახდეს რეალური ეპიდემიოლოგიური სურათის დანახვა

„ევროპული საქართველო“ მოითხოვს, გაიზარდოს ტესტირებათა რაოდენობა, რათა შესაძლებელი გახდეს რეალური ეპიდემიოლოგიური სურათის დანახვა.

აღნიშნულის შესახებ პარტიის წევრმა ზურაბ ჭიაბერაშვილმა დღეს გამართულ ბრიფინგზე განაცხადა.

ჭიაბერაშვილის თქმით, ჯანდაცვის სამინისტრომ ყოველდღიურად უნდა გამოაქვეყნოს დეტალური ინფორმაცია, თუ რომელ რაიონში რამდენი ტესტის ჩატარება მოხდა.

„უნდა მოიხსნას აბსურდული შეზღუდვები და აღიკვეთოს კანონის შერჩევითი გამოყენება; ხელისუფლებამ მნიშვნელოვნად უნდა შეამციროს საგადასახადო ტვირთი და მეტი ფული დაუტოვოს ხალხს; მოქალაქეებსა და ბიზნესს უნდა დაუბრუნოს საპენსიო ფონდში დაგროვილი მათი კუთვნილი თანხა; ასევე სამართლიანად და გამჭვირვალედ უნდა მიმართოს საბიუჯეტო სახსრები მოქალაქეთა დასახმარებლად“, - განაცხადა ზურაბ ჭიაბერაშვილმა.

მისივე თქმით, ფრაქცია „ქართული ოცნება“ საგანგებო მდგომარეობას შერჩევითად იყენებს.

„ივანიშვილის ხელისუფლება საქართველოსთვის ამ ურთულეს პერიოდში, როცა ეპიდემიის საფრთხის პარალელურად გაჩერებულია ეკონომიკა და ასიათასობით ჩვენი მოქალაქე ყოველთვიური შემოსავლის გარეშეა დარჩენილი, ქვეყნისთვის დამაზიანებელ გზას ადგას. ხელისუფლება არ მიმართავს ინტენსიურ ტესტირებას. მეტიც, არათუ აღნიშნულ მოთხოვნას, არამედ ეპიდემიის ბრძოლის მათეულ ხედვაზე კრიტიკულ შეკითხვებსაც კი ისინი ლამის ქვეყნის მტრობად აცხადებენ, რაც შემაშფოთებელი და სახიფათო ტენდენციაა. რჩება შთაბეჭდილება, რომ ტესტირების ნაკლებობა დაბალი სტატისტიკის შენარჩუნებას ემსახურება და რეალური ეპიდემიოლოგიური სურათი საზოგადოებისთვის დაფარულია. სრულად არის გამოსაყენებელი ლუგარის ლაბორატორიის მძლავრი კვლევითი რესურსი. ჯანდაცვის სამინისტრომ ყოველდღიურად უნდა გამოაქვეყნოს დეტალური ინფორმაცია, თუ რომელ რაიონში რამდენი ტესტი ჩატარდა, ასევე, მონაცემები შესაბამის რისკ-ჯგუფების, პირველ რიგში, მედპერსონალის ტესტირების შესახებ. ხელისუფლებასთან დაახლოებული ჯგუფები არაფრად აგდებენ გადაადგილებასთან თუ ეკონომიკურ საქმიანობასთან დაკავშირებულ შეზღუდვებს. მაშინ, როცა გაჩერებულია ათასობით ბიზნესი და გაუსაძლის მდგომარეობაში არიან ჩვეულებრივი მოქალაქეები“, - განაცხადა ზურაბ ჭიაბერაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი