წყალტუბოს მერიის დასუფთავების სამსახურის თანამშრომელს კორონავირუსი დაუდგინდა, რომელიც ე.წ. ცხელების ცენტრიდან ქუთაისის ინფექციური საავადმყოფოში გადაიყვანეს.

როგორც ქუთაისის ინფექციური საავადმყოფოს დირექტორმა, თემურ ნადირაძემ განაცხადა, ინფიცირებული 62 წლის მამაკაცია, რომლის ჯანმრთელობის მდგომარეობაც სტაბილურია.

არსებული ინფორმაციით, პაციენტი წყალტუბოს მერიის დასუფთავების სამსახურში მუშაობდა და ტემპერატურა ერთ-ერთ გამშვებ პუნქტზე დაუფიქსირდა, საიდანაც მამაკაცი კვლევებისთვის ე.წ. ცხელების ცენტრში გადაიყვანეს. ეპიდემიოლოგები მის კონტაქტებს იკვლევენ.

ამ ეტაპზე ქუთაისის ინფექციურ საავადმყოფოში 20 პაციენტია მოთავსებული. მათი ჯანმრთელობის მდგომარეობა დამაკმაყოფილებელია. დღეს კლინიკიდან კიდევ ორი გამოჯანმრთელებული პაციენტი გაეწერება.

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება