შესაძლოა, ინფიცირებულთა რიცხვს გამოჯანმრთელებულთა რიცხვმა გადააჭარბოს, მაგრამ ეს არ ნიშნავს, რომ პიკი გადავლილია, - ამის შესახებ ჯანდაცვის მინისტრმა ეკატერინე ტიკარაძემ განაცხადა.

მისი თქმით, დღეს გატარებული ყველა ზომები არის ინსტრუმენტი, რომელიც სოციალური დაცვის საშუალებას გვაძლევს.

„დინამიკაში იქნება ისეთი ტალღებიც, როდესაც გამოჯანმრთელებულთა რიცხვი იქნება იმაზე მეტი, ვიდრე ინფიცირებულების რიცხვი, რაც ძალიან მნიშვნელოვანი და კარგია. ის რომ, რამდენიმე დღის წინ დაინფიცირებულების რიცხვი აღემატებოდა 40-ს და დღესდღეობით არის მხოლოდ 10-მდე, ასეთი დინამიკა ამ ვირუსს ზოგადად ახასიათებს. ეს არ ნიშნავს იმას, რომ პიკი არის გადავლილი, თუმცა მნიშვნელოვანია აღინიშნოს, რომ ყველა ის ღონისძიება, რომელიც გატარებული იყო სახელმწიფოს და მთავრობის გუნდის მხრიდან იყო ძალიან მნიშვნელოვანი და სწორედ ეს გახლავთ ის ეფექტი, რომ ჩვენ შევძელით და მთელი ამ სამი თვის მანძილზე ვმართავთ გრიპის ტალღებს და გრიპის პიკურ ფაზას ისე, რომ ჩვენ არ გვყავს ათასობით დაინფიცირებული პაციენტები. მესმის, რომ ყველა ძალიან გაღიზიანებულები ვართ  და რთულია, რომ გვიჭირს დღესდღეობით გადაადგილება, მაგრამ ყოველივე ეს ღონისძიება არის სწორედ ის ინსტრუმენტი, რომელიც ჩვენ გვაძლევს საშუალებას იმ სოციალური დისტანცირების უმკაცრესი ზომების დაცვის, რის შედეგადაც დღესდღეობით არ გვყავს 2000 და 5000 პაციენტი, არამედ გვყავს მხოლოდ 305 პაციენტი სტაციონარში“, - განაცხადა ეკატერინე ტიკარაძემ.

ავტორი: ექსპრესნიუსი,

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა