ქვეყნის მასშტაბით 54 მუნიციპალური სასაფლაო ჩაკეტილია. დედაქალაქსა და რეგიონებში არსებულ გზებს სამართალდამცველები აკონტროლებენ. რეგიონში პოლიციასთან ერთად გზებზე სამხედროებიც დგანან. ჩაკეტილია სასაფლაოებამდე მისასვლელი გზებიც. 
იმერეთში სასაფლაოების შესასვლელებს შსს-ს წარმომადგენლები აკონტროლებენ.
ამასთან, იმერეთში სახელმწიფო რწმუნებული ზვიად შალამბერიძე დილიდან სხვადასხვა მუნიციპალიტეტის სასაფლაოებზე მონიტორინგს პირადად ახორციელებს.
ქობულეთის მუნიციპალიტეტის იმ სოფლებში, სადაც მკაცრი საკარანტინე პირობები მოქმედებს, დილიდან სასაფლაოების შესასვლელებს სამართალდამცველები აკონტროლებენ.
ასევე თბილისის სასაფლაოების შესასვლელებს სამართალდამცველები აკონტროლებენ. 

თბილისის სახელმწიფო უნივერსიტეტის მაღლივი კორპუსის მიმდებარე ტერიტორიაზე სამართალდამცავები არიან განლაგებულნი. ანალოგიური ვითარებაა ვაკე-საბურთალოს გზაზეც. ადგილზე რამდენიმე საპატრულო ეკიპაჟია მობილიზებული.

სამართალდამცავები ასევე მეორეხარისხოვან გზებსაც აკონტროლებენ, რომლებიც სასაფლაოებს უკავშირდება. ისინი ავტომობილებს არც ამ გზის მიმართულებით არ ატარებენ.

საგანგებო მდგომარეობის ფარგლებში, 17 აპრილიდან 10 დღის ვადით სასაფლაოებზე შეზღუდვები დაწესდა. საქართველოს მთავრობის განმარტებით, ქვეყნის მასშტაბით იკრძალება სასაფლაოს ტერიტორიაზე შესვლა.

ავტორი: ექსპრესნიუსი,

სოციალური ქსელები

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო

11-17 ნოემბერს საქართველოს ბანკი და LEAF-ი საერთაშორისო განათლების რეგიონულ ტურს 4 ქალაქში გამართავს