კორონავირუსის გამო, ადამიანები რობოტებად არ უნდა ვაქციოთ, ვიღაც იმასაც დაიჯერებს, რომ არ მოვიდეს ტაძარში, - ამის შესახებ მეუფე იაკობმა განაცხადა.

მისი თქმით, მრევლი თავად გადაწყვეტს მივიდეს თუ არა ეკლესიაში, რადგან ეს მისი პასუხისმგებლობაა.

„ვფიქრობ, გუშინ სრულიად გასაგებად ბრძანა სახელმწიფომ, რომ მათ გააკეთეს მრევლის გამო დაშვება. მრევლი, ვინ მოვა, თვითონ იღებს პასუხისმგებლობას. თვითონ უნდა გადაწყვიტოს ადამიანმა, მივა თუ არ მივა. აბსოლუტურად თავისი გადასაწყვეტია.

თავისუფალი არჩევანის საშუალება აქვს ყველა ადამიანს, რობოტი არ არის, რა. რობოტებად არ უნდა ვაქციოთ ამ კორონავირუსის გამო. ვიღაც იმასაც დაიჯერებს, რომ არ მოვიდეს. ვინც მოვა, მოვა. თვითონ რა არჩევანსაც გააკეთებენ, ის უნდა გააკეთონ. მე შემიძლია ჩემს თავზე პასუხისმგებელი ვიყო, მივიდე თუ არ მივიდე. ასევე, ნებისმიერი ქრისტიანი თავის თავზეა პასუხისმგებელი, მივა თუ არ მივა“, - განაცხადა მეუფე იაკობმა.

ავტორი: ექსპრესნიუსი,

სოციალური ქსელები

საქართველოს ბანკი უკვე 10 წელია ლიდერატორის პროგრამით ახალგაზრდებისთვის დასაქმების შესაძლებლობას ქმნის

გორის სამხედრო ჰოსპიტალში მიყვანილი დაჭრილი ჯარისკაცი გარდაიცვალა

მახაშვილი - ევროკომისიის წლიური ანგარიში ჩვენი ქვეყნის შიდა საქმეებში არაპროპორციული ჩარევა და სუვერენიტეტზე პირდაპირი თავდასხმაა

სწრაფი საერთაშორისო გადარიცხვები ბიზნესისთვის - საქართველოს ბანკმა AI-ის დანერგვისთვის Global Finance-ის ჯილდო მიიღო