2020-04-13 14:33:05, 2456 ნახვა
მსოფლიო
კიევ-პეჩერის ლავრაში კორონავირუსით დაინფიცირებული არქიმანდიტრი გარდაიცვალა
კიევ-პეჩერის ლავრაში კორონავირუსით დაინფიცირებული არქიმანდიტრი ნექტარი (ერისკაცობაში ალექსანდრ კოვალენკო) გარდაიცვალა. ამის შესახებ "უნიანი" იუწყება.
აღნიშნული განცხადება, კიევი-პეჩერის ლავრის სამონასტრო კომპლექსის საიტზეც გამოქვეყნდა.
არქიმანდიტრ ნექტარის კორონავირუსის დიაგნოზი აპრილის დასაწყისში დაუდგინეს, მოგვიანებით სასულიერო მაღალიერარქს მწვავე პლევმონია განუვითარდა, დღეს კი კიევის ინფექციურ საავადმყოფოში გარდაიცვალა.
ამასთან უკრაინული მედიის ინფორმაციით, კორონავირუსით დაინფიცირებულია კიევ-პეჩერის ლავრის ხელმძღვანელი მიტროპოლიტი პავლე.
აღსანიშნავია, რომ ქვეყანაში ეკლესიები დახურული არ არის, მაგრამ მასობრივი რელიგიური ღონისძიებები აკრძალულია.
ავტორი: ექსპრესნიუსი,
epn.ge (@expressnews.ge)
