დაინფიცირებულთა რაოდენობით რუსეთი მეჩვიდმეტე ადგილზე იმყოფება

2020-04-11 21:02:20, 2500 ნახვა

მსოფლიო

ათი აპრილის მონაცემებით, ქვეყანაში 11 ათას 917 შემთხვევაა გამოვლენილი. გასული დღე-ღამის განმავლობაში კორონავირუსი 1786 ადამიანს დაუდასტურდა. დაავადებულთა უმეტესობა, 7822 ინფიცირების შემთხვევა მოსკოვში დაფიქსირდა. მოსკოვს მოსდევს მოსკოვის რეგიონი, კომის რესპუბლიკა, სანკტ-პეტერბურგი და ლენინგრადი. რუსეთში 795 ადამიანი გამოჯანმრთელდა.

რამდენიმე ხნით ადრე, მოსკოვის მერმა, სერგეი საბიანინმა, მოსკოვის დაავადების პიკთან მიახლოება შეაფასა.

„მე თქვენ დაზუსტებით გეუბნებით, რომ არანაირი პიკი ჯერ არ დამდგარა. ჩვენ ამ პიკის დასაწყისთან ვიმყოფებით, შუაშიც არა“, - განაცხადა მოსკოვის მერმა.

რუსეთის მომხმარებელთა ზედამხედველობის სამსახურის მონაცემებით, რუსეთის რეგიონებში მილიონზე მეტი ტესტია შეგროვებული კორონავირუსის გამოსავლენად.

დღიურად ჩატარებული ტესტების რიცხვი ასი ათასს მიუახლოვდა. ამ მონაცემებით რუსეთი მესამე ადგილზეა მსოფლიოში.

Patreon P მხარი დაუჭირე "ექსპრესნიუსს" →

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან