2020-04-11 12:28:04, 1685 ნახვა

---

რაჭა-ლეჩხუმ-ქვემო სვანეთის სახელმწიფო რწმუნებულის ინფორმაციით, ლენტეხში 100-მდე პირველადი კონტაქტია მოძიებული

რაჭა-ლეჩხუმ-ქვემო სვანეთის სახელმწიფო რწმუნებულის, არჩილ ჯაფარიძის განცხადებით, დღეის მდგომარეობით, ლენტეხში 100-მდე პირველადი კონტაქტია მოძიებული.

მისი თქმით, მუნიციპალიტეტის პროდუქტებითა და მედიკამენტებით მომარაგება უწყვეტ რეჟიმში გაგრძელდება.

„შესაძლებელი არის გაგრძელდეს 2 კვირა, შესაძლებელია გაგრძელდეს უფრო მეტ ხანს. გადაწყვეტილება მიღებული იქნება იმ რეალობიდან, რა რეალობაც გვექნება მოცემულ მომენტში. გამომდინარე იქიდან, რომ ეს იყო ოჯახური კლასტერი შემხებლობა დიდად არ გაზრდილა და ჯამში, დღეის მდგომარეობით გვაქვს 100-მდე პირველადი კონტაქტი. საკვების და მედიკამენტების კუთხით შეზღუდვა არ იქნება. ბუნებრივია, ერთ დღეში ვერ მოხდებოდა დეფიციტის დაფიქსირება. უწყვეტი რეჟიმით გაგრძელდება მუნიციპალიტეტის პროდუქტებითა და მედიკამენტებით მომარაგება“, - განაცხადა არჩილ ჯაფარიძემ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი