საქართველოს თავდაცვის ძალების დასავლეთის სარდალი, პოლკოვნიკი ჯონი ტატუნაშვილი იმერეთის სამხარეო კრიმინალური პოლიციის დეპარტამენტის უფროსთან, ვიცე-პოლკოვნიკ სულხან თამაზაშვილთან ერთად ქუთაისში მოწყობილ გადაადგილების კონტროლის პუნქტების მუშაობას გაეცნო.

ხელმძღვანელი პირები ადგილზე დააკვირდნენ სამხედროებისა და სამართალდამცავების კოორდინირებულ მუშაობას, თუ როგორ ხორციელდება ერთობლივი ძალებით ავტოტრანსპორტის მოძრაობის კონტროლი, ტრანსპორტის დეზინფექცია სპეციალური ხსნარებით და მოქალაქეების პირველადი ჯანმრთელობის შემოწმება.

ქვეყნის მასშტაბით ერთობლივი მუშაობის შედეგად 22 მარტიდან დღემდე თავდაცვის ძალების წარმომადგენლებმა სადეზინფექციო ხსნარით 211 726 სატრანსპორტო საშუალება დაამუშავეს, სამხედრო ექიმებმა კი, თერმოსკრინინგი 459 979 მოქალაქეს ჩაუტარეს. საგუშაგოების შემოვლისას დასავლეთის სარდალი და იმერეთის სამხარეო პოლიციის უფროსი სამხედროებსა და პოლიციელებსაც გაესაუბრენ და ეპიდემიის გავრცელების წინააღმდეგ მიმართულ პრევენციულ ღონისძებებში აქტიური მონაწილეობისთვის მადლობა გადაუხადეს. შემდეგ კი, საველე სამედიცინო პუნქტები მოინახულეს და სამხედრო ექიმების მუშაობის სპეციფიკას ადგილზე გაეცნენ.

საგანგებო მდგომარეობის ფარგლებში ფაქტობრივი კარანტინის გამოცხადების შემდეგ ქუთაისში თავდაცვის ძალების დასავლეთის სარდლობამ შსს-ს ძალებთან ერთად გადაადგილების კონტროლის პუნქტები დაუყონებლივ მოაწყო. საგუშაგოებზე 24-საათიან რეჟიმში III ქვეითი ბრიგადის პირადი შემადგენლობა სამართალდამცავებთან ერთადაა მობილიზებული და კორონავირუსის გავრცელების პრევენციული ღონისძიებების ფარგლებში დაკისრებულ ამოცანებს ასრულებს.

ავტორი: NS (სტატია დაფინანსებულია),

სოციალური ქსელები

საგარეო ევროკავშირს საკონსტიტუციო სასამართლოს ზეწოლაში და საქართველოს შიდა საქმეებში ჩარევაში ადანაშაულებს

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა