Nike - კომპანია დიდი წარსულით და როგორც ჩანს მომავლის დიდი იდეებით "ჭკვიანი" ბოტასების ხაზს აფართოვებს და 2020 წლის ფლაგმან მოდელს Adapt Auto Max-ს მასიურ გაყიდვაში უშვებს. 
Auto Max 2020 წლის არალიმიტირებული ე.წ ჭკვიანი ბოტასების სერიის სათავეში ჩადგება. 
რა შეუძლია ახალ ბოტასებს და რაშია მათი მთავარი ხიბლი?
სიახლის პრეზენტაციაზე "ნაიკი" ყურადღებას ტექსტილის და კაუჩუკის დამზადების ინოვაციურ ტექნოლოგიაზე ამახვილებს , რომლის მეშვეობით ყოველი ფეხსაცმლის წყვილი იქმნება. ეს ნამდვილად პრემიალური ხარისხია, რომელიც ფეხსაცმელს განსაკუთრებულს ხდის. 
აგრეთვე ცნობილია, რომ Adapt Auto Max იმ ფეხსაცმლის "შვილთაშვილია", რომელსაც მარტი მაკფლაი ფილმ "უკან მომავალში" ატარებდა, რადგან ფეხსაცმლის დიზაინში Air Max 90-ს დეტალებია გამოყენებული.
ფეხსაცმლის ყველაზე მნიშვნელოვანი და ინოვაციური სიახლე იმაში მდგომარეობს, რომ მათი შეკვრაზე, ტერფზე მორგებაზე და "ლედ" დიოდების ფერის შეცვლაზე სპეციალური მიკროპროცესორი ზრუნავს, რომელიც თავისი მხრივ სმარტფონიდან ან ჭკვიანი საათიდან მფლობელის მიერ სპეციალური პროგრამის დახმარებით კონტროლირდება.
სიახლის ფასი 400$-დან დაიწყება, მაგრამ Adapt Auto Max-ს სპეციალური GUCCI-ს ბრენდთან კოლაბორაციული ხაზიც ექნება, რომელშიც მომცმარებლებს 1000$ გადახდა მოუწევთ.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა