აჭარის მთავრობის თავმჯდომარე თორნიკე რიჟვაძემ პანდემიის შეკავებაზე და ეკონომიკურ გამოწვევებზე აჭარის  საზოგადოებრივი მაუწყებლის ეთერში ისაუბრა. აჭარის მთავრობის ხელმძღვანელის განცხადებით რეგიონში ინფრასტრუქტურული პროექტები შეუფერხებლად მიმდინარეობს და ყველა ინტერვენცია, რაც ხორციელდება სახელმწიფოს მხრიდან ემსახურება  არსებული სიტუაციიდან გამოსვლას ნაკლები დანაკარგებით.

„პანდემიამ, გლობალურმა საფრთხემ შეცვალა ტრადიციული წარმოების და მიწოდების ჯაჭვი. დიდი ქვეყნების ჯანსაღმა ეკონომიკამ ვერ შეძლო ამ გამოწვევებისთვის გაეძლო. ჩვენ ვართ მცირე ეკონომიკური შესაძლებლობის ქვეყანა, მაგრამ ის რომ ჩვენ ასე ეფექტურად ვმართავთ ამ კრიზისებს, მოწინავე ვართ პანდემიასთან ბრძოლაში გვაძლევს იმის იმედს რომ, ამ შოკის და რეცესიის შემდეგ ჩვენს ეკონომიკას მალე დავუბრუნდებით იმ ნიშნულს, რომელიც გვქონდა კრიზისამდე,

აჭარაში მოქმედ ბიზნესს მივეცით 4 თვიანი საშეღავათო პერიოდი. სახელმწიფოს მხრიდან ბიზნესის ხელშეწყობა ემსახურება სწორედ იმას, რომ ჩვენი მოქალაქეებისთვის მოხდეს სამუშაო ადგილების შენარჩუნება. ყველა ინსტრუმენტს ვიყენებთ, რომ კერძო სექტორი ნაკლები დანაკარგებით გამოვიდეს კრიზისიდან და შეძლონ სამუშაო ადგილების შენარჩუნება, ეკონომიკური დოვლათის და ახალი სამუშაო ადგილების შექმნა.

ამ შოკის პირობებში ბევრ მოქალაქეს მოუწია თვითიზოლაციაში ყოფნა, ბევრმა დროებით დაკარგა სამუშაო ადგილი. ყველა ის ინტერვენცია, რაც ხორციელდება სახელმწიფოს მხრიდან ემსახურება სწორედ ამ სიტუაციიდან გამოსვლას ნაკლები დანაკარგებით.

აჭარის მთავრობის აპარატის და სამინისტროების ხარჯები განახევრდა და მილიონ ლარზე მეტი მოხმარდება ამ გამოწვევების შერბილებას. მთავარი გეგმა იქნება აქტუალური არის პანდემიის შეკავება და შემდეგ ეტაპზე ეკონომიკის შენარჩუნება" - განაცხადა თორნიკე რიჟვაძემ.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს