საქართველოს პრემიერ-მინისტრის, ირაკლი ღარიბაშვილის განცხადებით, ხელისუფლება და მთავრობა პასუხისმგებელია მოსახლეობის სტაბილურობასა და მშვიდობაზე.

ამის შესახებ ღარიბაშვილმა აგვისტოს ომის მეშვიდე წლისთავთან დაკავშირებით, პარლამენტის ეროვნულ ბიბლიოთეკაში სიტყვით გამოსვლისას განაცხადა, სადაც ფოტო გამოფენა მოეწყო.

როგორც ღარიბაშვილმა აღნიშნა, ხელისუფლებამ  ყველაფერი უნდა გააკეთოს იმისთვის, რომ კონფლიქტი თავიდან აიცილოს.

„ჩვენი მთავრობა, ხელისუფლება, პასუხისმგებელია მშვიდობაზე და ჩვენი მოსახლეობის სტაბილურობაზე. ჩვენ ყველაფერი უნდა გავაკეთოთ, რომ თავიდან ავიცილოთ ყოველგვარი კონფლიქტი, ყოველგვარი დაპირისპირება, ყოველგვარი შუღლი და ესკალაცია. ამიტომ, კიდევ ერთხელ მინდა ქედი მოვიხარო ჩვენი დაღუპული ჯარისკაცების, პოლიციელების წინაშე, მათი ოჯახების წინაშე, რომ მათ ასეთი გმირები გაგვიზარდეს. მართლაც ძალიან რთული იყო ამ ყველაფრის გამოვლა. იმედი მაქვს, რომ ჩვენი მომავალი თაობა, ჩვენი შვილები, დააფასებენ მათ ღვაწლს ჩვენი სამშობლოს წინაშე“,- განაცხადა პრემიერმა.

ამასთან, მან მადლობა გადაუხადა ყველა რეოპრტიორს და ჟურნალიტს, რომლებიც 2008 წელს რუსეთ-საქართველოს ომში მონაწილეობდა.

„მადლობა მინდა გადაგიხადოთ ყველას, იმ გმირ რეპორტიორებს და ჟურნალისტებს, რომლებიც ფრონტის წინა ხაზზე იბრძოდნენ. ის, რაც თქვენ გააკეთეთ, მართლაც ბრძოლის ტოლფასია, რადგან მთელმა მსოფლიომ ანხა ეს შემზარავი კადრები. მარლთაც, რომ დასაფასებელია თქვენი გმირობა. მადლობა თქვენ პირველ რიგში იმისთვის, რომ თქვენი საკუთარი სიცოცხლე გარისკეთ. ჩვენს ჯარისკაცებთან, პოლიციელებთან ერთად, ფრონტის წინა ხაზზე იყავით და დააფიქსირეთ ყველაფერი ის, რაც ხდებოდა. ეს არის საოცრად შემზარავი ისტორია და ტრაგედია, რომელიც ჩვენმა ქვეყანამ გამოიარა. ვისურვებ, რომ ომი აღარასოდეს აღარ განმეორდეს, არა მარტო ჩვენს ქვეყანაში, არამედ მთელ მსოფლიოში“,- განაცხადა ირაკლი ღარიბაშვილმა.

ფოტოგამოფენის დასასრულს, პრემიერ-მინისტრმა ფოტოგრაფებთან სამახსოვრო ფოტო გადაიღო. ღონისძიებას მინისტრთა კაბინეთის წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს