2008 წლის რუსეთ-საქართველოს აგვისტოს ომის გამოძიების საქმეზე მასალები რამდენიმე თვეა ჰააგის სასამართლოშია გადაგზავნილი, - ამის შესახებ საქართველოს იუსტიციის მინისტრმა თეა წულუკიანმა ჟურნალისტებს მუხათგვერდის სასაფლაოზე განუცხადა, სადაც ომში დაღუპულთა ხსოვნას პატივი მიაგო.

„აგვისტოს ომის გამოძიების საქმეზე მასალები გადაგზავნილია რამდენიმე თვეა ჰააგის სასამართლოში, სადაც ჰააგის პროკურორმა უნდა დაადგინოს, საკმარისია, თუ არა ის ნაბიჯები და საგამოძიებო მოქმედებები, რაც საქართველომ ჩაატარა და მიიღოს გადაწყვეტილება, არის თუ არა საჭიროება, რომ თავად მან გამოიძიოს ეს საქმე, რაც მოხდება იმ შემთხვევაში, თუ ჩაითვლება, რომ რაც საქართველომ 2008 წლიდან, ორმა სხვადასხვა მთავრობამ გავაკეთეთ, არ არის საკმარისი. ჩვენ მათი გადაწყვეტილების მოლოდინში ვართ“, - განაცხადა თეა წულუკიანმა.

ამასთან, იუსტიციის მინისტრმა აგვისტოს ომში დაღუპულთა ოჯახებს მიუსამძიმრა და აღნიშნა, რომ მთავრობა აგრძელებს იმ საქმეს, რასაც გმირები შეეწირნენ და მშვიდობიანი მეთოდებით ცდილობს საქართველო გაამთლიანოს.

„ყველა დედას, ყველა მამას, მშობელს, ვუსამძიმრებ იმ დიდ ტკივილს, რაც მათი შვილების დაკარგვით მიიღეს, მაგრამ, ამავე დროს საამაყოა, რომ მათ ოჯახში დაიბადნენ ის გმირები, ვინც რუსეთის აგრესიას წინ აღუდგა 7 წლის წინ და ჩვენი ქვეყნის სიმშვიდისთვის, მშვიდობისთვის და ტერიტორიული მთლიანობისთვის იბრძოლა. ჩვენ მათ საქმეს ვაგრძელებთ და მშვიდობიანი მეთოდებით, გონიერებით, მოთმინებით, გამძლეობით, ქართველი ხალხი გაამთლიანებს საქართველოს“, - განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს