გიორგი მარგველაშვილი: საქართველო უნდა გაერთიანდეს არა დაპირისპირების, არამედ მეგობრობის ხარჯზე

2015-08-08 11:15:54, 519 ნახვა

პოლიტიკა

„საქართველო უნდა გაერთინდეს არა დაპირისპირების, არამედ სიყვარულის და მეგობრობის ხარჯზე“,-ამის შესახებ საქართველოს პრეზიდენტმა გიორგი მარგველაშვილმა ჟურნალისტებს მუხათგვერდის ძმათა სასაფლაოზე განუცხადა,სადაც 2008 წლის რუსეთ-საქართველოს ომის შედეგად დაღუპულებს პატივი მიაგო.
როგორც პრეზიდენტმა აღნიშნა, ომში დაღუპულმა გმირებმა საკუთარი სიცოცხლის ფასად ქართული სახელმწიფო შეინარჩუნეს.
„ჩვენ ვიხსენებთ გმირებს, ვინც ქართული სახელმწიფო თავისი სიცოცხლის ფასად შეინარჩუნა. ვიხსნებთ და კიდევ უფრო ღრმად ვფიქრობთ იმ შეცდომებზე რაც იქნა დაშვებული, კიდევ უფრო ღრმად ვფიქრობთ იმაზე რაც არის გასაკეთებელი. საქართველო იქნება მთლიანი, ერთიანი, ძლიერი სახელმწიფო. ჩვენ ამას გავაკეთბთ არა ადამიანების სიცოცხლის ფასად, არამედ იმ ერთიანი პოლიტიკით, რომელშიც უნდა ვიყოთ გაერთიანებული აბსოლუტურად ყველა. განურჩევლად იმისა, რომელ კოალიციას და პარტიას მივეკუთვნებით. საქართველო უნდა გაერთიანდეს არა დაპირსპირების, არამედ სიყვარულის, მეგობრობის ხარჯზე და ფასად. ეს პროცესი აუცილებლად წარმატებული იქნენა’,-განაცხადა გიორგი მარგველაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან