რა ქნა ერეკლე მეორეს ოჯახმა მისი გარდაცვალების შემდეგ, რომ პანდემია არ გავრცელებულიყო

2020-03-22 02:08:42, 6428 ნახვა

სხვადასხვა

1798 წლის 11 იანვარს თელავში გარდაიცვალა საქართველოს პრაქტიკულად უკანასკნელი მეფე ერეკლე მეორე, რომელიც მოსახლეობაში უდიდესი სიყვარულით და პატივისცემით სარგებლობდა. სამწუხაროდ, იმ პერიოდში აღმოსავლეთ საქართველოში, როგორც ქართლში, ისე კახეთში შავი ჭირი მძვინვარებდა, რომლის კიდევ უფრო გავრცელებისათვის შეიძლება ხელი შეეწყო მეფის გასვენებაში ათასობით ადამიანის თავმოყრას. ეს საშიშროება კარგად შეაფასა პატარა კახის ოჯახმა და მეფის დაკრძალვა მეორმოცე დღემდე გადასწია, რათა ქვეყანაში ეპიდსიტუაცია ოდნავ მაინც გაუმჯობესებულიყო. ერეკლე მეორე მხოლოდ 21 თებერვალს იქნა მცხეთაში დაკრძალული. სხვათაშორის მეფე თბილისში არ შეუბრძანებიათ და არ დაუსვენებიათ, რათა ხელი არ შეეწყოთ შავი ჭირის ქალაქში გავრცელებისათვის.
იმედია დღესაც ერთად დგომით და სწორი მოქმედებებით საქართველო შეძლებს ამ მძიმე ეპიდსიტუაციიდან დროულ გამოსვლას. -
ირაკლი მჭედლიშვილი - პროფესორი

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,