ჩვენი აუცილებელი მოთხოვნაა ყველა ადამიანმა გააცნობიეროს, რომ ჩვენ ყველამ ერთად, ჩვენი წილი პასუხისმგებლობა უნდა ავიყვანოთ უმაღლეს რანგში  და სახელმწიფო არის ჩვენს მხარეს, - ამის შესახებ იმუნოლოგმა ბიძინა კულუმბეგოვმა პრემიერ-მინისტრთან შეხვედრის შემდეგ განაცახადა.

კულუმბეგოვის თქმით, ყველა შეზღუდვა უნდა იყოს გათვალისწინებული საზოგადოების მიერ და უმჯობესი იქნება, თუ დაწესებულ შეზღუდვებს მთავრობა კიდევ უფრო გაამკაცრებს.

„რაც კი შეიძლება იყოს დღეს თხოვნა, ადამიანთა თავშეყრის ადგილებიდან თავშეკავების, სახელმწიფომ ეს შეიძლება მოთხოვნაში გადაზარდოს. თუ ეს იქნება გამკაცრებული, მივესალმები.

კორონავირუსით გამოწვეული პანდემია მსოფლიოში მძვინვარებს. ყველა ქვეყანას აქვს თავისი დამიზნებითი პოლიტიკა, რაც გამომდინარეობს ამ ქვეყნების ტრადიციიდან, ეკონომიური შესაძლებლობებიდან, და პოლიტიკური თუ სხვა ჯანდაცვის სისტემისადმი დამოკიდებულების შესაბამისია. შესაბამისად ჩვენ ვმსჯელობდით იმ საკითხებზე, როგორი მოდელი შეიძლება იყოს ყველაზე იდეალური და საუკეთესო საქართველოსთვის. ჩვენ განვიხილეთ სკანდინავიის და ბრიტანეთის მაგალითი, სადაც ამ მდგომარეობას უდგებიან, როგორც მარტივს და ამბობენ, რომ ადამიანების დიდმა ნაწილმა მოიხადოს ეს ინფექცია და 80-82 პროცენტში ნამდვილად ასეა ეს ინფექცია და ჩვენ გავუფრთხილდეთ იმ ადამიანებს, სადაც ყველაზე მეტი რისკია მოსალოდნელი, მაგრამ ჩვენ შევთანხმდით, რომ საქართველოს ამის ფუფუნების შესაძლებლობა არ აქვს", - განაცხადა ბიძინა კულუმბეგოვმა.

მისი თქმით, შეხვედრაზე საუბარი შეეხო ტესტირების საკითხს. ბიძინა კულუმბეგოვის განცხადებით, ყველა მსურველისთვის ტესტირების გაკეთების რესურსი დღეს ჩვენს ქვეყანას არ აქვს. ტესტები იქნება, მაგრამ იქნება ძალიან სწორი და გათვლილი კრიტერიუმებით, მხოლოდ ექიმის დანიშნულებით.

„შევეხეთ ასევე ტესტირების საკითხს. როგორც ჩვენ შეხვედრაზე მივიღეთ ინფორმაცია, ყველაფერი კეთდება იმისთვის, რომ ერთი კვირის ფარგლებში მოხდეს ტესტებზე ხელმისაწვდომობის გაზრდა. სამედიცინო ნაწილი ჩაერევიან იმ თვალსაზრისით, რომ განისაზღვროს, ვის და როგორ უნდა გაუკეთდეს ტესტირება. ყველა მსურველისთვის ტესტირების გაკეთების რესურსი დღეს ჩვენს ქვეყანას არ აქვს. ტესტები იქნება, მაგრამ იქნება ძალიან სწორი და გათვლილი კრიტერიუმებით, მხოლოდ ექიმის დანიშნულებით. კარანტინის, თვითიზოლაციის და დაწესებული ღონისძიებების შესრულება არის იმის გარანტია, რომ ჩვენ ამ გადაცემის ჯაჭვს გავწყვეტთ და მაქსიმუმ 2-3 თვეში ეს ინფექცია ჩადგება კალაპოტში და ჩვენ ამ რისკებს ავცილდებით", - განაცხადა ბიძინა კულუმბეგოვმა.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე