სასჯელაღსრულებისა და პრობაციის მინისტრი კახა კახიშვილი არასამთავრობო სექტორის წარმომადგენლებს შეხვდა.

არასამთავრობო ორგანიზაციების წარმომადგენლების განცხადებით,  შეხვედრა ნაყოფიერი იყო და ის ფაქტი, რომ სასჯელაღსრულებისა და პრობაციის ახალი მინისტრი თავის საქმიანობას სამოქალაქო სექტორთან შეხვედრით იწყებს, ძალიან მნიშვნელოვანია.

კახი კახიშვილმა შეხვედრის მონაწილეებს სისტემაში არსებული ვითარება  გააცნო და მსჯავრდებულთა და ბრალდებულთა უფლებების დაცვის კუთხით გატარებულ ღონისძიებებზე ისაუბრა. მინისტრი, ასევე, გაეცნო არასამთავრობო სექტორის  ხედვას კონკრეტულ საკითხებთან დაკავშირებით და მათთან ერთად პრობლემური თემებიც განიხილა. ეფექტური თანამშრომლობის მიზნით, მინისტრმა სთხოვა სამოქალაქო სექტორის წარმომადგენლებს, განცხადების გაკეთების პარალელურად, იქვე მიუთითონ პრობლემის მოგვარების მათეული ხედვა.

შეხვედრის მონაწილეები დაინტერესდნენ მინისტრის პოზიციით საზოგადოებრივი მონიტორინგის საბჭოს შექმნასთან დაკავშირებით, ასევე პირობით ვადამდე ადრე გათავისუფლების ადგილობრივი საბჭოების მუშაობის კრიტერიუმებით და პენიტენციურ სისტემაში არსებული მდგომარეობით.

კახის კახიშვილის განმარტებით, დაწყებული რეფორმის ფარგლებში გათვალისწინებულია უახლოეს მომავალში საკონსულტაციო საბჭოს შექმნა, რომელიც არასამთავრობო ორგანიზაციების წარმომადგენლებით დაკომპლექტება და  საზოგადოებასა და სამინისტროს შორის ეფეტური დიალოგისა და ამავდროულად, უწყების გამჭვირვალობის ერთგვარი გარანტი იქნება, ხოლო რაც შეეხება არასამთავრობო ორგანიზაციების მხრიდან ციხეებში საზოგადოებრივი მონიტორინგის განხორციელებას, უნდა დადგინდეს სტანდარტები და კრიტერიუმები, ასევე, უნდა განისაზღვროს იმ პირთა უნარ-ჩვევები, ვისაც მოუწევს დახურულ დაწესებულებაში შესვლა.

„მე მიმაჩნია, რომ ძალიან მნიშვნელოვანია პირადი შეხვედრები სამოქალაქო საზოგადოების წარმომადგენლებთან. ჩვენ ყოველთვის გვქონდა კონტაქტი სხვადასხვა ფორმატში, მაგრამ ასეთი შეხვედრები, სადაც შეგვიძლია კონკრეტული საკითხები განვიხილოთ,  დავსახოთ პრიორიტეტები, ძალიან კარგია. მე მიმაჩნია, რომ ყოველთვის უნდა მედოს საზოგადოების პულსზე ხელი, რაც ეფექტურ მუშაობას უზრუნველყოფს.“ - განაცხადა კახა კახიშვილმა.

მინისტრის გადაწყვეტილებით, მსგავსი სახის შეხვედრები სასჯელაღსრულებისა და პრობაციის სამინისტროში მინიმუმ ორ თვეში ერთხელ გაიმართება, გარდა ამისა, სამინისტროში არასამთავრობო ორგანიზაციებთან ყოველდღიურ რეჟიმში ურთიერთობისთვის საკონტაქტო პირი გამოიყოფა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა