სოფლის მეურნეობის მინისტრ ოთარ დანელიას განცხადებით, რუსეთში ქართულ ღვინოზე გამოთქმულ პრეტენზიებთან დაკავშირებით მოკვლევა დაწყებულია.

მინისტრმა იმედი გამოთქვა, რომ ეს რაიმე სერიოზულ პრობლემაში არ გადაიზრდება. 

მისივე თქმით, ქართული პროდუქტი მსოფლიოს მრავალ ქვეყანაში გადის და ხარვეზი არ დაფიქსირებულა.

"ჩვენ ძალიან პრაქტიკულად ვუდგებით ამ პრობლემას. უნდა ვიყოთ მაქსიმალურად ობიექტურები. გუშინ დავიწყეთ მოკვლევა. ჯერ ეს მხოლოდ გაუგებრობას გავს. იმედი გვაქვს, რომ ეს რაიმე სერიოზულში არ გადაიზრდება. ქართული პროდუქცია მსოფლიოს ბევრ ქვეყანაში გადის და ხარვეზი არ ყოფილა, მაგრამ, რა თქმა უნდა, შევისწავლით რომ გამოვრიცხოთ ნებისმიერი პრობლემა", - განაცხადა დანელიამ.

კითხვაზე, იყო თუ არა გამართლებული რუსეთის ბაზარზე ქართული პროდუქტის დაბრუნება, დანელია აღნიშნა, რომ ნებისმეირ ბაზარზე შესვლა გამართლებულია.

"გამართლებულია ყველა ბაზარზე შესვლა. რისკები ნებისმიერ ბაზარს შეიძლება ახლდეს", - განაცხადა ოთარ დანელიამ. 

შეგახსენებთ, „როსპოტრებნადზორმა“ განცხადება გაავრცელა, სადაც აღნიშნულია, რომ "ქართველი ღვინის მწარმოებლები, ღვინის წარმოების ტექნოლოგიას სისტემატურად არღვევენ". რუსეთის მთავარი სანიტარული სამსახური აღნიშნავს, რომ გამოვლენილია ალკოჰოლური პროდუქციის 10 პარტია - კონიაკი "ძველი კახეთი", კონიაკი "კოლხიდა" და წითელი ღვინო "საფერავი", რომლებიც არ შეესაბამებოდა უსაფრთხოებისა და ხარისხის მოთხოვნებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს