პარლამენტის ადამიანის უფლებათა დაცვის კომიტეტის თავჯდომარის ეკა ბესელიას განცხადებით, „ქართული ოცნების“ პოლიტსაბჭოს წევრებმა პრემიერ–მინისტრ ირაკლი ღარიბაშვილთან შიდა პარტიული საკითხები შეაჯერეს. 
ამის შესახებ მან „ქართული ოცნების“ ცენტრალურ ოფისთან ჟურნალისტებთან საუბრისას აღნიშნა, სადაც კოალიციის პოლიტსაბჭოს სხდომა მიმდინარეობს.
მისივე თქმით, სხდომაზე შიდა პარტიული აქტივობები დაიგეგმა.
„ძირითადად პარტიულ საკითხებზე ვისაუბრეთ. დავგეგმეთ, რომ კონფერენციები ჩავატაროთ  პარტიული ორგანიზაციის კუთხით. მომზადდება კონკრეტული თარიღები. სავარაუდოდ, ამას სექტემბრიდან დავიწყებთ. ყველა რაიონულ ორგანიზაციაში კონფერენციები ჩატარდება. ასევე იგეგმება შიდაპარტიული სხვადასხვა აქტივობები. სწორედ ამასთან დაკავშირებით გვქონდა პრემიერთან საუბარი. მასთან ეს ღონისძიებათა ნუსხა შეჯერდა“, – აღნიშნა ბესელიამ.
კითხვაზე, ხომ არ მიმდინარეობს მზადება არჩევნებისთვის, ბესელიამ უპასუხა, რომ „პარტია მმართველი პოლიტიკური ძალაა, იმისთვის, რომ ეს პასუხისმგებლობა, რაც გვაქვს, გავაგრძელოთ. პარტია მზად უნდა იყოს მნიშვნელოვანი ეტაპისთვის და პარტიული აქტივობებით წინასწარ მზადება დაიწყო“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს