პარლამენტის ადამიანის უფლებათა დაცვის კომიტეტის თავჯდომარის ეკა ბესელიას განცხადებით, სექტემბერში პარლამენტი შეიკრიბება და ვეტოს დაძლევის საკითხები დაიგეგმება. 
ამის შესახებ ბესელიამ „ქართული ოცნების“ ცენტრალურ ოფისთან ჟურნალისტებთან საუბრისას აღნიშნა, სადაც კოალიციის პოლიტსაბჭოს სხდომა მიმდინარეობს. 
ბესელიას შეფასებით, „საქართველოს ეროვნული ბანკის“ შესახებ კანონპროექტზე, რომელიც პარლამენტმა მიიღო,  პრეზიდენტის მიერ ვეტოს დადება არამართებულია. 
„ბუნებრივია, როდესაც სექტემბერში პარლამენტი შეიკრიბება, პირველ სექტემბერს ჩვენ მუშაობას განვაახლებთ და ამ ეტაპისთვის დაიგეგმება ვეტოს დაძლევის საკითხები. ბუნებრივია, ვგეგმავთ, რომ ვეტო იყოს დაძლეული, რადგან მიგვაჩნია, რომ ეს გადაწყვეტილება არ იყო მართებული. ყველა ის შენიშვნა და მოსაზრება, რაც ქონდა საერთაშორისო სავალუტო ორგანიზაციებს, პარლამენტმა მათი დიდი ნაწილი გაითვალისწინა. ბუნებრივია, ვეტოს დაძლევისთვის მოვემზადებით“, – განაცხადა  ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა