პოლიტიკური პარტიის „ლელო საქართველოსთვის“ წევრი ანა ნაცვლიშვილი დღეს თბილისის პროკურატურაში გამოკითხვაზე დაიბარეს.

აღნიშნულის შესახებ „ექსპრესნიუსს“ პარტიიდან აცნობეს.

უწყების ინფორმაციით, ანა ნაცვლიშვილი გენერალურ პროკურატურაში მოსამართლე გიორგი არევაძის, ვანო ზარდიაშვილისა და პრემიერ-მინისტრ გიორგი გახარიას შესაძლო შეხვედრასთან დაკავშირებით განცხადების შეტანის თაობაზეა დაბარებული.

ნაცვლიშვილი თბილისის პროკურატურაში 17:00 საათზე უნდა გამოცხადდეს.

შეგახსენებთ, რომ 17 იანვარს საქართველოს გენერალურ პროკურატურაში პოლიტიკური გაერთიანება „ლელო საქართველოსთვის” პოლიტსაბჭოს წევრებმა ანა ნაცვლიშვილმა და კახა კოჟორიძემ მოსამართლე გიორგი არევაძის, ვანო ზარდიაშვილისა და პრემიერ-მინისტრ გიორგი გახარიას შესაძლო შეხვედრასთან დაკავშირებით განცხადება შეიტანეს და გამოძიების დაწყება მოითხოვეს. როგორც კახა კოჟორიძემ აღნიშნა, ტელეკომპანია „მთავარი არხის“ ეთერში გავიდა სიუჟეტი, რომელშიც საუბარი იყო იმაზე, რომ მოსამართლე გიორგი არევაძე ვანო ზარდიაშვილთან ერთად ღამის საათებში პრემიერ-მინისტრ გიორგი გახარიასთან კაბინეტში იმყოფებოდა, სადაც გადაწყდა ის საკითხი, რომ გიორგი არევაძე ნიკა გვარამიას საქმესთან დაკავშირებით თვითაცილებას გააკეთებდა.  

ავტორი: ექსპრესნიუსი,

სოციალური ქსელები

აშშ უკრაინას 500 პატრიოტის ტიპის რაკეტას გადასცემს.

რუსული ტანკერები აშშ-ისკენ მიემართებიან, თუმცა კომპანიები გამოძიების შიშით, უარს ამბობენ საწვავის შეძენაზე, თუნდაც ფასდაკლებით

ტრამპი: მე არ დამიწყია ომი ირანთან, მათ დაიწყეს ჩვენთან ომი

საქართველოს ბანკის YouTube პროექტის - CREATOR-ის მეორე სეზონი იწყება