შუახევში, მუნიციპალიტეტის მერის ფრიდონ ფუტკარაძის ხელმძღვანელობით საგანგებო სიტუაციების მართვის სხდომა გაიმართა. სხდომაზე, მუნიციპალიტეტში დღის განმავლობაში არსებული მდგომარეობა შეაფასეს და განხორციელებულ ღონისძიებებზე იმსჯელეს.

 შუახევის მუნიციპალიტეტის სოფლებში ახალი თოვლის საფარი მაღალ ზონაში 50-სმ აჭარბებს, დაბალ ზონაში 20-30 სმ-ია.

დილიდან მუშაობს აჭარის საგზაო დეპარტამენტის 18 ერთეული და მერიის 1 ერთეული ტექნიკა. გაწმენდილია ადმინისტრაციულ ერთეულებთან და რამდენიმე სოფელთან დამაკავშირებელი გზა.სამუშაოებს უშუალოდ მუნიციპალიტეტის ხელმძღვანელი პირები, საკრებულოს წევრები, მერის რწმუნებულები და სოფლის თანამშემწეები ხელმძღვანელობდნენ. შუახევში იმყოფებოდა აჭარის საავტომობილო გზების დეპარტამენტის უფროსი მუხრან კაკაბაძეც. თოვლის საფარისაგან გაწმენდითი სამუშაოები ხვალ აქტიურად გაგრძელდება.

მძიმე თოვლმა დააზიანა ელექტროგადამცემი ხაზები. დილის საათებში ელექტროენერგია არ მიეწოდებოდა ბარათაულის, წყალსაყრისა და შუბნის ადმინისტრაციული ერთეულების რამდენიმე სოფელს.19:00 საათის მონაცემებით ელექტროენერგიის გარეშე რჩება მხოლოდ ერთი სოფელი, სადაც ,,ელექტრო-პრო ჯორჯიას“ ინფორმაციით აღდგენითი სამუშაოები ამ წუთებშიც მიმდინარეობს.

 დილის საათებში მცირე მეწყერი განვითარდა ბუთურაულში. ადგილზე არსებულ ვითარებას პირადად გაეცნო შუახევის მერი. სტიქიის კერას ხვალ გეოლოგები შეისწავლიან.

 მერიაში საგანგებო სიტუაციების მართვის შტაბი 24 საათიან რეჟიმში აგრძელებს მუშაობას. მოქმედებს ცხელი ხაზი 08 000 000 08.

ავტორი: NS (სტატია დაფინანსებულია),

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს