„მოსამართლის დამოუკიდებლობა და სასამართლო სისტემის მიმართ საზოგადოებრივი ნდობის გაზრდა ქვეყნისთვის კვლავ პრიორიტეტად რჩება“, - ამის შესახებ საქართველოს პრეზიდენტმა, სალომე ზურაბიშვილმა სტრასბურგში, ევროპის საბჭოს საპარლამენტო ასამბლეაზე სიტყვით გამოსვლისას განაცხადა.

როგორც ზურაბიშვილმა სიტყვით გამოსვლისას აღნიშნა, საქართველომ სასამართლო რეფორმის სამი ეტაპი უკვე განახორციელა, ახლა პარლამენტი რეფორმის „მეოთხე ტალღაზე“ მუშაობს და აღნიშნულ პროცესს, მომდევნო პარლამენტი დაასრულებს.

ამასთან, სალომე ზურაბიშვილი სასამართლო სისტემის მიმართ კრიტიკის თემასაც შეეხო და განაცხადა, რომ ზოგი კრიტიკა სამართლიანი იყო, ზოგი კი, პოლიტიკურად მოტივირებული.

„სასამართლო სისტემის მიმართ კრიტიკა არ ცხრება, ზოგი სამართლიანი, ზოგი კი პოლიტიკურად მოტივირებული. აღსანიშნავია, რომ საერთაშორისო შეფასებებით უფრო დადებითი სურათი იკვეთება: „ჰერითიჯ ფაუნდეიშენმა“ საქართველოს ევროპულ სასამართლოებს შორის მე-18 ადგილი მიანიჭა; კანონის უზენაესობის ინდექსის მიხედვით, სასამართლოს ეფექტიანობის თვალსაზრისით, საქართველო ევროპის საუკეთესო ოცეულში მოხვდა; „გლობალური კონკურენტუნარიანობის რეიტინგის“ მიხედვით, საქართველომ საზოგადოების დაცულობის მაჩვენებლით ევროპის საუკეთესო ოცეულში მე-15 ადგილი, ხოლო ორგანიზებული დანაშაულისაგან თავისუფლების ინდექსის მიხედვით – მე-13 პოზიცია დაიკავა“, – განაცხადა სალომე ზურაბიშვილმა.

საქართველოს პრეზიდენტმა „იფსოსის“ კვლევაზეც გაამახვილა ყურადღება და აღნიშნა, რომ კვლევის თანახმად, საქრთველოს მოსახლეობა ისევე ენდობა ქართულ სასამართლოს, როგორც ევროკავშირის წამყვანი ქვეყნების მოქალაქეები საკუთარი ქვეყნის სასამართლოებს.

„ავტორიტეტული საერთაშორისო კვლევითი ორგანიზაციის – „იფსოს“ (Ipsos) კვლევის მიხედვით, საქართველოს მოსახლეობა ისევე ენდობა ქართულ სასამართლოს, როგორც ევროკავშირის წამყვანი ქვეყნების მოქალაქეები საკუთარი ქვეყნების სასამართლოებს, ეს ნდობა 51 პროცენტის ფარგლებში მერყეობს“, – განაცხადა სალომე ზურაბიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა