„ვემზადებით, რომ ახალი ინტერესთა გამოხატვა გამოვაცხადოთ, რომლის საფუძველზეც შეირჩევა ინვესტორი“, - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ანაკლიის პორტზე საუბრისას განაცხადა.

მისი თქმით, ინვესტორთა გამოხატვის პირობებზე მიმდინარეობს მუშაობა და მასში ბევრი ახალი ცვლილება უნდა ჩაიდოს.

„ანაკლიის განვითარების კონსორციუმთან ხელშეკრულება შეწყდა და ვემზადებით, რომ ახალი ინტერესთა გამოხატვა გამოვაცხადოთ, რომლის საფუძველზეც შეირჩევა ახალი ინვესტორი, რომელიც შეძლებს და ექნება საკმარისი ფინანსური რესურსი და გამოცდილება, რათა ეს პროექტი განახორციელოს. ამ ეტაპზე, ინტერესთა გამოხატვის პირობებზე მიმდინარეობს მუშაობა. წინა ინტერესთა გამოხატვა 2014 წელს გამოცხადდა, მას შემდეგ ძალიან ბევრი რამ შეიცვალა. უშუალოდ საინვესტიციო ხელშეკრულებაშიც კი ახალი პირობები იყო ჩამოყალიბებული. ასევე მოგეხსენებათ, ბანკებთან მოლაპარაკებების შედეგად, გარკვეულ ცვლილებებზე დათანხმდა მთავრობა. შესაბამისად, ახალ ინტერესთა გამოხატვაში ყველა ეს ცვლილება უნდა ჩაიდოს“, – განაცხადა მაია ცქიტიშვილმა.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა