შინაგან საქმეთა მინისტრმა საზოგადოებრივი უსაფრთხოების მართვის განახლებული ცენტრის- „112“-ის პრეზენტაციის შემდეგ ჟურნალისტების კითხვებს უპასუხა.

ვახტანგ გომელაური მედიაში ყოფილი თავდაცვის მინისტრის ოჯახის წევრსა და საპატრულო პოლიციის თანამშრომლებს შორის, რამდენიმე წლის წინ მომხდარ ინციდენტს გამოეხმაურა. 

შინაგან საქმეთა მინისტრის განცხადებით, თუ პატრულ-ინსპექტორმა დანაშაული ნახა და უკანონო ბრძანება მიიღო, დაუყოვნებლივ უნდა შეეტყობინებინა გენერალური ინსპექციისთვის, ან პროკურატურისთვის.

„ეს ფაქტი მაშინ როდესაც მოხდა, ვიცოდით, გავიგეთ რა თქმა უნდა, რომ ინციდენტი მოხდა უმნიშვნელო - მე ასე დავარქმევდი. ასეთი პრეცენდენტი ხდება ძალიან ბევრი, თუნდაც ავიღოთ აქციების დროს, ამაზე 10-ჯერ მძიმე ფაქტები ხდება, როდესაც არ ვაკავებთ.
რა თქმა უნდა ეს ძალიან არასასიამოვნო ფაქტი იყო, აგრესიული გახდა ეს ადამიანი. ამ ვიდეოს წინ რა უძღოდა ის არ ჩანს, რატომ გახდა აგრესიული. ეს ადამიანი, როგორი ადამიანია მე ამის შეფასებას თავს უფლებას არ მივცემ, ოჯახმა თავად გააკეთა განცხადება. მოხდა ეს პრეცენდენტი 6 წლის წინ. ეს ვიდეო შენახული ჰქონდა თუ რა იყო, მე ნამდვილად არც მახსოვდა ეს დვალიშვილი იყო, თუ სხვა გვარი. რაც შეეხება დევნას - რეფორმა გაკეთდა ჩვეულებრივ საპატრულო პოლიციაში და მას უწევდა სხვა თანამდებობაზე გადასვლა. მე მინდა ხაზი გავუსვა, რომ თუ მან ნახა რომ დანაშაული იყო, ის ვალდებული იყო წაეღო მტკიცებულებები ან გენინსპექციაში, ან პროკურატურაში და არ უნდა შეენახა ვითომ „თავდაცვის“ მიზნით. ვინ დევნიდა? 6 წლის განმავლობაში თანამდებობაზე იყო ეს ადამიანი. ერთი წლის წინ მისმა მეუღლემ დაიწყო მუშაობა უწყებაში. როგორ ფიქრობთ, 6 წელი რომ დევნაში ყოფილიყო ეს ადამიანი, უსაფრთხოების სამსახურისგან, ან შინაგან საქმეთა სამინისტროსგან იმუშავებდა კიდე?! რაც ამ ადამიანმა გააკეთა ეხლა დღეს, ჩემთვის ძალიან მიუღებელია მისი საქციელი. მოქალაქის ქმედებაც მოსაწონი არ არის, რა თქმა უნდა.  პატრულ-ინსპექტორმა უნდა დასაჯოს ის. თუ არასწორი მითითება მისცა მისმა ხელმძღვანელმა, უნდა გაესაჩივრებინა და არა შეენახა. მინისტრის მოადგილის მძღოლი არ არის უფროსი არცერთი პატრულის თანამშრომლის, ჩემი მძღოლიც არ არის არცერთი პატრულ-ინსპექტორის უფროსი. პროკურატურაში შეიტანა ამ ადამიანმა, იმედია სრული ვიდეო ექნება შენახული, სრული ვიდეო თუ არ წაშალა, რაც თვითონ არ აწყობდა  ამ პატრულის თანამშრომელს. პროკურატურა იძიებს და დაველოდოთ,- განაცხადა ვახტანგ გომელაურმა.

ავტორი: ექსპრესნიუსი,

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა