„მე ვერ წარმომიდგენია, რომ ბიძინა ივანიშვილმა რამე გააკეთოს და კარგად არ გააკეთოს“, - ასე ეხმაურება ასე ეხმაურება საპარლამენტო უმრავლესობის წევრი, ენძელა მაჭავარიანი, თავისუფლების ინსტიტუტის მოთხოვნას, ჩამოერთვას ბიძინა ივანიშვილს სამეცნიერო ხარისხი.

როგორც მაჭავარიანმა აღნიშნა, მას ბიძინა ივანიშვილის შესაძლებლობებში ეჭვი არ ეპარება და ფიქრობს, რომ ივანიშვილის შესაძლებლობები სათანადოდ არ არის გამომჟღავნებული.

„მე არ მეპარება მის შესაძლებლობებში ეჭვი და პირიქით, მგონია, რომ ვერ არის მისი გამომჟღავნებული მისი შესაძლებლობები ისე, როგორც მას აქვს. მე მიაჩნია, რომ ეს ექსპერტებმა, თუ აინტერესებთ, შეისწავლონ, თუ არ აინტერესებთ, ნუ შეისწავლიან. მე მიმაჩნია, რომ ბიძინა ივანიშვილს ძალიან დიდი შესაძლებლობები აქვს და ჩვენ სათანადოდ არ გვყავს შესწავლილი. მე ვერ წარმომიდგენია, რომ ბიძინა ივანიშვილმა რამე გააკეთოს და კარგად არ გააკეთოს“, - ამბობს ენძელა მაჭავარიანი.  

შეგახსენებთ, რომ თავისუფლების ინსტიტუტის წევრებმა ბიძინა ივანიშვილისთვის სამეცნიერო ხარისხის ჩამორთმევის მოთხოვნით ხარისხის განვითარების ეროვნულ ცენტრს მიმართეს. მათი მტკიცებით ივანიშვილის ნაშრომი სამეცნიერო სტანდარტს ვერ აკმაყოფილებს და შეიცავს პლაგიატის ნიშნებს. ამის დასადასტურებლად, თავისუფლების ინსტიტუტის წევრებმა ეროვნულ ცენტრს ბიძინა ივანიშვილის დისერტაციასთან ერთად, ყველა სხვა მტკიცებულება გადასცეს.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ