„ჯანმრთელობის მდგომარეობის გამო ბრალდებულმა ვერ შეძლო დოკუმენტისთვის ხელი მოეწერა, რისთვისაც გარეშე პირის მოწვევა დაგვჭირდა“, - ამის შესახებ მარიანა ჩოლოიანის ადვოკატმა გაგი მოსიაშვილმა განაცხადა.

ადვოკატის განცხადებით, მისი დაცვის ქვეშ მყოფი ბრალს არ აღიარებს და ემოციურ ფონზე მეტყველება უჭირს.

„პირველ რიგში, მინდა გარდაცვლილის ოჯახს მივუსამძიმრო და მწუხარება გამოვთქვა იმის გამო, რაც ძალიან დიდი ტრაგედიაა. ვუსამძიმრებ მთლიან საზოგადოებას, თუმცა ვფიქრობ, ყველას თავისი სახელი უნდა დაერქვას. კონკრეტულ სისხლის სამართლის საქმესთან დაკავშირებით დღეს წარედგინა ბრალი მარიანა ჩოლოიანს, სისხლის სამართლის კოდექსის 335-ე მუხლიდან გამომდინარე. ბრალის წარდგენის სიტუაცია იყო შემდეგი, ჯანმრთელობის ძალიან მძიმე მდგომარეობა აქვს დაკავებულს დღეის მდგომარეობით. ფაქტიურად დაგვჭირდა გარეშე პირის მოწვევა იმისათვის, რომ ბრალის ფორმულირებას გაცნობოდა ჩვენთან, ადვოკატებთან ერთად. ქალბატონი მარიანას ვერბალური და ჟესტიკულაციის გამოხატულებით  თუ ვიმსჯელებთ, ზუსტი და მყარი კომუნიკაცია ვერ შედგა. შესაბამისად, ვერბალური ურთიერთობა, რომელიც დამყარდა ფაქტიურად, ბრალს არ აღიარებს, რა თქმა უნდა, მარიანა ჩოლოიანი. რეალურად, ძალიან მძიმე ემოციური ფონია და უჭირს მეტყველება. თუ რა დიაგნოზი აქვს მარიამს, დაცვის მხარე გამოითხოვს წერილობით ინფორმაციას მისი სამედიცინო ჯანმრთელობის მდგომარეობიდან გამომდინარე, რომელიც თქვენთვის იქნება ხელმისაწვდომი.

დღეის მდგომარეობით საქმეში დევს გარდაცვლილი ბავშვის დედის გამოკითხვის ოქმი, რომელიც რეალურად არის. არსებული დოკუმენტაცია, რომელიც რამდენიმე ხნის უკან გადმოგვეცა, დასტურდება მხოლოდ ერთი გარემოება, რომ საქმეში დევს ერთადერთი პირდაპირი ჩვენება. სხვა პირდაპირი მტკიცებულება ამ ეტაპზე საქმეში არ მოიპოვება. ვაპირებთ რომ რამდენიმე საათის შემდგომ, მას შემდეგ რაც კიდევ უფრო სრულყოფილად გავეცნობით ამ საქმის დეტალებს, მედიასთან გავმართოთ კომუნიკაცია, რათა დეტალურად მოგაწოდოთ ინფორაციაკონკრეტულ შემთხვევაში ამბავი არის ის, რომ სამწუხაროდ, დაგვჭირდა გარეშე პირის მოწვევა. სამართლებრივად რომ ავხსნათ, ჯანმრთელობის მდგომარეობის გამო ბრალდებულმა ვერ შეძლო ხელი მოეწერა დოკუმენტზე, ამ შემთხვევაში საჭირო გახდა პირის მოწვევა“, - განაცხადა გაგი მოსიაშვილმა.

შეგახსენებთ, რომ 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. სწორედ გამომძიებლის მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს და გამომძიებელი მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ