2019-12-19 13:21:15, 1453 ნახვა

---

სესიაშვილი 15 წლის მოზარდის საქმეზე: არ შეიძლება, ყველა პოლიციელის მტრად შერაცხვა, ამან შეიძლება ძალიან მძიმე შედეგები გამოიწვიოს

„მე მესმის, რომ პოლიტიკური ინტერესები აქვს ვიღაცას, მაგრამ არ შეიძლება, ყველა პოლიციელის მტრად შერაცხვა, რამაც ასევე, შეიძლება გამოიწვიოს ძალიან მძიმე შედეგები“, -  ამის შესახებ პარლამენტის თავდაცვისა და უშიშროების კომიტეტის თავმჯდომარემ, ირაკლი სესიაშვილმა განაცხადა.

მისი თქმით, გადაცდომების არსებობის შემთხვევაში სახელმწიფოს შესაბამისი რეაგირება ექნება.

„თავისთავად ცხადია, რომ დამნაშავე დაისჯება, ვინც არ უნდა იყოს ის. მე მესმის, რომ პოლიტიკური ინტერესები აქვს ვიღაცას, მაგრამ არ შეიძლება, ყველა პოლიციელის მტრად შერაცხვა, რამაც ასევე, შეიძლება გამოიწვიოს ძალიან მძიმე შედეგები. რა თქმა უნდა, არის გადაცდომები, ზოგადად ვამბობ და არა ამ კონკრეტულ შემთხვევასთან მიმართებაში, და ამ გადაცდომებზე სახელმწიფოს ექნება რეაგირება“, - განაცხადა ირაკლი სესიაშვილმა.

ცნობისთვის, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. სწორედ გამომძიებლის მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს და გამომძიებელი მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი