„ამ შენობიდან ჯერ თქვენ გაგყრით და მერე მოგაყოლებთ ერეკლე კუხიანიძეს“, - ასე მიმართა ფრაქცია „ქართული ოცნების“ დეპუტატმა ოპოზიციის წარმომადგენლებს, ხატია დეკანოიძეს და ელენე ხოშტარიას, რომლებიც საკრებულოში ერეკლე კუხიანიძისთვის უფლებამოსილების შეწყვეტას მოითხოვენ.

როგორც დავითულიანი ამბობს, საკრებულო ერეკლე კუხიანიძესთან დაკავშირებით გადაწყვეტილებას მას შემდეგ მიიღებს, რაც ეს სპექტაკლი დასრულდება.

„რატომ არ მობრძანდით? აქედან გინდათ ხომ ულტიმატუმის წამოყენება? რატომ არ მოხვედით? წამობრძანდით ოთახში. ამ შენობიდან ჯერ თქვენ გაგყრით და მერე მოგაყოლებთ ერეკლე კუხიანიძეს. სანამ თქვენ არ გაგყრით ეს არ მოხდება. თქვენ არავის მოგახსნევინებთ, ჩვენ მოვხსნით. ერეკლე კუხიანიძესთან დაკავშირებით საკრებულოს უმრავლესობა მას შემდეგ მიიღებს გადაწყვეტილებას, რაც ეს სპექტაკლი დასრულდება“, - ამბობს ბექა დავითულიანი.

შეგახსენებთ, რომ საკრებულოს წევრმა ერეკლე კუხიანიძემ, რამდენიმე დღის წინ, თავისივე სოციალური ქსელის საშუალებით  ოკუპანტების მიერ გატაცებულ ექიმ ვაჟა გაფრინდაშვილს და მის ოჯახს სიტყვიერი შეურაცხყოფა მიაყენა და მათ პროვოკატორები უწოდა.

ავტორი: ექსპრესნიუსი,

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ