პარლამენტის მაჟორიტარი დეპუტატის, დიმიტრი ხუნდაძის განცხადებით, საერთაშორისო გამოცდილებისა და შიდასახელმწიფოებრივი გამოწვევების ფონზე  გამოიკვეთა, რომ  პროპორციული საარჩევნო სისტემა საქართველოსთვის დიდი რისკის შემცველია.

როგორც დეპუტატმა განმარტა, ეს სისტემა არამდგრადი პოლიტიკური პროცესების განვითარებას უწყობს ხელს.

 „ევროპის და მსოფლიოს სხვა დემოკრატიულ ქვეყნებში, სადაც პროპორციული საარჩევნო სისტემა მოქმედებს, განვითარებულმა პროცესებმა გვიჩვენა, რომ ეს სისტემა არამდგრადი პოლიტიკური პროცესების განვითარებას უწყობს ხელს. ხანგრძლივი დროის განმავლობაში  ვერ ხერხდება მთავრობის ფორმირება. ბევრ შემთხვევაში საჭირო ხდება რიგგარეშე არჩევნების ჩატარება, რომლის შემთხვევაშიც არ არის გარანტია გონივრულ ვადებში სტაბილური მთავრობის ფორმირებისა. მეტად საეჭვოა, რომ საქართველოში პოლიტიკური სისტემა თუნდაც 2024 წლისათვის იმ დონეზე განვითარდეს, რომ მოიხსნას პოლიტიკური არასტაბილურობის რისკები“, - განაცხადა ხუნდაძემ.

მანვე მაჟორიტარული სისტემის შესახებ ისაუბრა და აღნიშნა, რომ ეს სისტემა ხალხის რეალურ მმართველობას უზრუნველყოფს.

„ამასთან, მაჟორიტარულ სისტემას აქვს ბევრი უპირატესობა და დადებითი მხარე, რომლებიც ერთობლიობაში  უზრუნველყოფენ ხალხის რეალურ მმართველობასა და ნამდვილ სახალხო სუვერენიტეტს, რაც, თავის მხრივ, აუცილებელია საქართველოს დემოკრატიული განვითარების თანამედროვე ეტაპზე", - განაცხადა დიმიტრი ხუნდაძემ.

დეპუტატის თქმით,  ამავე კონტექსტში მნიშვნელოვანია, რომ საპარლამენტო ორპალატიანი სისტემა ქმნის პოლიტიკური სტაბილურობის გაცილებით უფრო მაღალ გარანტიებს.

„შეცდომა რომელიც „ქართულმა ოცნებამ" დაუშვა და ნაჩქარევი გადაწყვეტილება მიიღო 2024 წლისთვის პროპორციულ საარჩევნო სისტემაზე გადასვლასთან დაკავშირებით, სანამ რეალურ უარყოფით შედეგებს მოიტანს, რისი  ალბათობაც ამ პოლიტიკურ ველზე ძალიან მაღალია -  დროა ჩვენვე გამოვასწოროთ. საპასუხო არგუმენტებად „დავპირდით" , ან „შევპირდით", არ მიიღება", - განაცხადა დიმიტრი ხუნდაძემ.

ავტორი: ექსპრესნიუსი,

სოციალური ქსელები

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა

გახარიას პარტია: პატარიძე კანდიდატად კონსტიტუციის აშკარა და უხეში დარღვევით წარადგინეს

ტუაფსეში ცეცხლმოკიდებული ნავთობტერმინალიდან ტოქსიკურმა ღრუბელმა ანაპამდე მიაღწია