საქართველოს პრეზიდენტმა გიორგი მარგველაშვილმა 98 მსჯავრდებული შეიწყალა.

როგორც შეწყალების კომისიის თავმჯდომარემ ზვიად ქორიძემ დღეს გამართულ ბრიფინგზე განაცხადა, 74 მსჯავრდებული საპატიმროს დღესვე დატოვებს, ხოლო დანარჩენ 24-ს სასჯელი შეუმცირდათ.

მისივე განმარტებით, პრეზიდენტმა გადაწყვეტილება შეწყალების კომისიის მიერ განხილული საქმეების შემდგომ წარდგენილი რეკომენდაციების საფუძველზე მიიღო.

„პრეზიდენტმა რამდენიმე წუთის წინ შეწყალების მორიგ აქტს მოაწერა ხელი. პრეზიდენტმა 98 მსჯავრდებული შეიწყალა. ამ 98-დან 74 დღესვე დატოვებს საპატიმროს. რაც შეეხება 24 მსჯავრდებულს, მათ სასჯელი შეუმცირდათ. 74 მსჯავრდებულიდან დღეს საპატიმროს 1 ქალბატონი და 2 არასრულწლოვანი დატოვებს. ეს გადაწყვეტილება პრეზიდენტმა შეწყალების კომისიის მიერ განხილული საქმეების შემდგომ წარდგენილი რეკომენდაციების საფუძველზე მიიღო. სულ კომისიამ 17-18 ივლისს, 589 მსჯავრდებულის საქმე განიხილა“, - განაცხადა ზვიად ქორიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია