პრაღაში, ვაჭრობისა და ინდუსტრიის სამინისტროში, საქართველო-ჩეხეთის  მთავრობათაშორისი ეკონომიკური კომიტეტის მე-5 სხდომა გაიმართა, რომელსაც საქართველოს მხრიდან ეკონომიკისა და მდგრადი განვითარების მინისტრის მოადგილე გენადი არველაძე, ხოლო ჩეხეთის მხრიდან ვაჭრობისა და კომერციის მინისტრის მოადგილე მარტინა ტაუბეროვა უძღვებოდნენ.

საქართველოს დელეგაციას საგარეო საქმეთა მინისტრის მოადგილე ალექსანდრე ხვთისიაშვილი, გარემოს დაცვისა და სოფლის მეურნეობის მინისტრის მოადგილე ხატია წილოსანი და საქართველოს საგანგებო და სრულუფლებიანი ელჩი ჩეხეთის რესპუბლიკაში მარიამ რაქვიაშვილი წარმოადგენდნენ.

როგორც კომიტეტის სხდომაზე გენადი არველაძემ აღნიშნა, საქართველოსა და ჩეხეთს შორის აქტიურად მიმდინარეობს თანამშრომლობა ისეთი მიმართულებებით, როგორიცაა ენერგეტიკა, ტურიზმი, საინფორმაციო ტექნოლოგიები და არსებობს ინოვაციური ტექნოლოგიების განვითარების საუკეთესო შესაძლებლობა. ქართულმა მხარემ მზადყოფნა გამოთქვა, ითანამშრომლოს ბიზნესსექტორის წარმომადგენლებთან ქვეყნებს შორის DCFTA-ის ფარგლებში მიღწეული სიკეთეების მაქსიმალურად გამოყენების მიზნით. გენადი არველაძემ ყურადღება ბიზნესმისიების და ფორუმების გააქტიურებაზე, ასევე, Czech trade-ის რეგიონული წარმომადგენლობის გახსნის მნიშვნელობაზე გაამახვილა, რომელიც საქართველოდან რეგიონს დაფარავს და ხელს შეუწყობს ბიზნესკავშირების გაძლიერებას და ვაჭრობის ზრდას.

გარემოს დაცვისა და სოფლის მეურნეობის მინისტრის მოადგილემ, ხატია წილოსანმა  ჩეხეთის მხარესთან ქართული ღვინის, თხილის, თაფლის და აკვაკულტურის პროდუქტების ჩეხეთის ბაზარზე განთავსების მნიშვნელობაზე ისაუბრა და აღნიშნა, რომ ქართული პროდუქცია გამოირჩევა მაღალი ხარისხითა და აქვს კარგი შესაძლებლობა ნიშურ ბაზარზე დაიმკვიდროს სათანადო ადგილი. ჩეხურ მხარესთან თანამშრომლობით,  სურსათის ეროვნულ სააგენტოში დაინერგა ხარისხის მართვის სისტემა და  მხარეები აგრძელებენ მუშაობას თანამშრომლობის ახალი მიმართულებების განსაზღვრისთვის. ასევე გარემოს დაცვის მიმართულებით, ჩეხეთის განვითარების სააგენტო კვლავ აგრძელებს მნიშვნელოვანი კონტრიბუციის განხორციელებას დაცული ტერიტორიების  ინფრასტრუქტურული პროექტების კუთხით.

ალექსანდრე ხვთისიაშვილმა საკუთარ გამოსვლაში ყურადღება გაამახვილა ჩეხეთის რესპუბლიკაში  საქართველოს მოქალაქეების ლეგალურად დასაქმების მნიშვნელობაზე და აღნიშნა, რომ მხარეები აქტიურად მუშაობენ კვალიფიციური მუშახელის ჩეხეთის ბაზარზე ლეგალურად დასაქმებასთან მიმართებაში და ამ კუთხით საკანონმდებლო ბაზის სრულყოფაზე.

კომისიის სხდომის მიმდინარეობისას, ორივე მხარემ ხაზგასმით აღნიშნა, რომ ორ ქვეყანას შორის არსებული მეგობრული ურთიერთობები მყარ საფუძველს ქმნის ხარისხობრივად ახალ დონეზე განვითარდეს ეკონომიკური კავშირები. მხარეებმა კიდევ ერთხელ დაადასტურეს მზადყოფნა, გაგრძელდეს ურთიერთსასარგებლო პარტნიორობა ეკონომიკის სხვადასხვა სექტორში, რაც ხელს შეუწყობს ეკონომიკური კავშირების შემდგომ გაღრმავება/დივერსიფიცირებას, ასევე ინვესტიციებისა და ვაჭრობის სფეროში უფრო მჭიდრო თანამშრომლობის განვითარებას.

(NS)

ავტორი: ექსპრესნიუსი,

სოციალური ქსელები

კალაძე ოპოზიციას ისევ მოღალატეებს და მტრებს უწოდებს

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე