შუახევის მერის ფრიდონ ფუტკარაძის ინიციატივით, შუახევის მუნიციპალიტეტში ახალგაზრდულ მრჩეველთა საბჭო მოქმედებს.

საბჭოს მიზანია მუნიციპალიტეტში მცხოვრები ახალგაზრდების მუნიციპალიტეტის საქმიანობაში ჩართულობის გაზრდა,  ახალგაზრდებსა და მუნიციპალიტეტს შორის ეფექტური კომუნიკაციის უზრუნველყოფა, ახალგაზრდების საჭიროებებისა და ინტერესების შესაბამისი პროგრამების დაგეგმვა,  სამიზნე ჯგუფების ინფორმირება, განხორციელებული პროექტების მონიტორინგი და ა.შ.

საბჭო თვეში ერთჯერ იკრიბება და მათი ინიციატივითა და მერიის მხარდაჭერით  არაერთი სოციალური და ინფრასტრუქტურული პროექტი განხორციელდა.

მორიგი სოციალური აქცია საბჭოს წევრებმა, მერის მოადგილე რუსუდან შავაძესთან, საკრებულოს წევრ გოგი ზოიძესთან და მერიის თანამშრომლებთან ერთად სოფელ ფურტიოში  გამართეს. ნოშრევან ქამადაძის მრავალშვილიანი ოჯახი მოინახულეს და ერთჯერადი მატერიალური დახმარება გაუწიეს.

წევრების საბჭოს ინიციატივით პერიოდულად მადლობის ბარათი  გადაეცემა მუნიციპალიტეტის განვითარებაში და სამოქალაქო აქტივიზმში შეტანილი წვლილისთვის  მოქალაქეებს.

პროექტის ფარგლებში მადლობის ბარათი შუახევის მერმა ფრიდონ ფუტკარაძემ მარი კლერ ორსეტს და ნინო ბერიძეს გადასცა.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები