„ცოტა ხანში ეკონომიკური ზრდის ეფექტი უნდა იგრძნოს რაც შეიძლება მეტმა ადამიანმა, რადგან თუ ქვეყანაში სტაბილური სოციალური მდგრადობა არ იქნება, ეკონომიკური ზრდის მიღწევა შეუძლებელია,“- ამის შესახებ ფინანსთა მინისტრის მოადგილე გიორგი კაკაურიძემ ჟურნალისტებთან დახურულ შეხვედრაზე განაცხადა, სადაც მომავალი 2020 წლის ბიუჯეტის დასამტკიცებელ პროექტს განიხილავდნენ.

მისი თქმით, ერთ-ერთი მნიშვნელოვანი კომპონენტი სოციალური მიმართულებით, მაღალი ხარისხის და ყველასათვის ხელმისაწვდომი ჯანდაცვის სისტემაა, რაზეც სამინისტროს მუშაობა მოუწევს:   

„ის, რომ რესურსები მაქსიმალურად მივმართოთ ისეთ პროეტებზე, რომელსაც ექნება ეკონომიკური ეფექტი, რა თქმა უნდა კარგია, მაგრამ თუ სოციალური მდგრადობა არ იქნება ქვეყანაში, სტაბილური ეკონომიკური ზრდის მიღწევა შეუძლებელი იქნება. ამიტომ სოციალური მიმართულება მეორე მნიშვნელოვანი კომპონენტია. კიდევ ერთი ძალიან მნიშვნელოვანი საკითხი, რაც შეიძლება  მასთან გაერთიანდეს, ჯანდაცვის სფეროა, ალბათ დამეთანხმებით, რომ ქვეყანაში ჯერჯერობით ყევლასთვის მისაღები და ხელმისაწვდომი ჯანდაცვის სისტემა არა გვაქვს. მაღალი ხარისხის ჯანდაცვა და მასზე ხელმისაწვდომობა არის ერთ-ერთი ძირითადი მიმართულება, რაც, რა თქმა უნდა, მხოლოდ ბიუჯეტით ვერ არ მიიღწევა, თუმცა ბიუჯეტი არის ერთ-ერთი ინსტრუმენტი, რომელიც შესაძლებელს ხდის, რომ თითოეულ მოქალაქეს ჰქონდეს ხელმისაწვდომობა ხარისხიან ჯანდაცვაზე. ამ მიმართულებით ბიუჯეტიდან საკმაო თანხა გაგვიღია და სამომავლოდაც, მისი ეფექტიანობის გაუმჯობესებაზე ნამდვილად გვექნება სამუშაო, მათ შორის ბიუჯეტის დანახარჯის ფარგლებში,“- განაცხადა გიორგი კაკაურიძემ.  

ფინანსთა სამინისტრომ მომავალი 2020 წლის სახელმწიფო ბიუჯეტში,  რომელიც ჯერ კიდევ განხილვის პროცესშია, რამდენიმე პრიორიტეტული მიმართულება დაასახელა, მათ შორისაა განათლება, ჯანდაცვა, სოციალური და ინფრასტრუქტურული მიმართულებები.

ნონა ქარქაშაძე

ავტორი: ექსპრესნიუსი,

სოციალური ქსელები

Global Finance-მა საქართველოს ბანკი გადახდების მიმართულებით საუკეთესო ციფრულ ბანკად დაასახელა

თიბისის ბარათებზე წინასასკოლო შეთავაზებები იწყება - მოემზადეთ ახალი სასწავლო წლისთვის

აშშ-ის არმიის მინისტრმა თანამდებობა ჰეგსეთთან კონფლიქტის გამო დატოვა - CNN

დღეიდან, საგზაო მოძრაობის პირობებში სატრანსპორტო საშუალების ექსპლუატაციისას წარმოქმნილი ხმაურის დონის შემოწმება, პორტატული მოწყობილობით განხორციელდება