შინაგან საქმეთა მინისტრი ვახტანგ გომელაური სახელმწიფო ინსპექტორის საგამოძიებო მიმართულების ამოქმედებასთან დაკავშირებით „შერატონ გრანდ მეტეხი პალასში“გამართულ ოფიციალურ ღონისძიებას  დაესწრო.  მინისტრმა სახელმწიფო ინსპექტორს - ლონდა თოლორაიას და აღნიშნული სამსახურის თანამშრომლებს წარმატება უსურვა. შეხვედრის დასრულების შემდეგ ვახტანგ გომელაურმა სამინისტროსა და სახელმწიფო ინსპექტორის სამსახურის თანამშრომლობის შესახებ ჟურნალისტებთან ისაუბრა.

"მე მინდა, პირველ რიგში, ქალბატონ ლონდას მივულოცო ძალიან მნიშვნელოვანი და საპასუხისმგებლო თანამდებობა, მის გუნდს. ძალიან ბევრი იმუშავეს და ორ დღეში დაიწყებენ მუშაობას. იცით, რომ შინაგან საქმეთა სამინისტრო ერთ-ერთი დიდი სამინისტროა საქართველოში, ძალოვან სტრუქტურებში. ჩვენ ვართ ღია, გახსნილები თანამშრომლობისთვის, რომ გვერდში დავუდგეთ. ასევე, მინდა ხაზი გავუსვა, რომ შინაგან საქმეთა სამინისტროს თანამშრომლებს - საპატრულო, კრიმინალური, მართლწესრიგის ოფიცრები -  ძალიან ხშირად აქვთ შეხება მოქალაქეებთან, ყველაზე მეტად.

აქედან გამომდინარე, მინდა ხაზი გავუსვა, სამწუხაროდ, არის ხოლმე რაღაც გადაცდომები, ეს გადაღლილობის თუ დატვირთვის ბრალია, არ ვიცი. სამწუხაროდ, ეს ხდება. აქედან გამომდინარე, დარწმუნებული ვართ, ეს იქნება სამართლიანი მოკვლევა თუ გამოძიება და სამართლიანი შეფასება ექნება ყველა იმ ქმედებას პოლიციელებისას", - განაცხადა ვახტანგ გომელაურმა.

(NS)

ავტორი: ექსპრესნიუსი,

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში