გარემოს დაცვისა და სოფლის მეურნეობის მინისტრი ლევან დავითაშვილი  მოლდოვის რესპუბლიკის ელჩს, გეორგ ლეუკას შეხვდა. შეხვედრაზე  აგრარული და გარემოსდაცვითი მიმართულებებით შესაძლო თანამშრომლობის საკითხები განიხილეს.

ლევან დავითაშვილმა ვრცლად ისაუბრა საქართველოში მევენახეობა-მეღვინეობის დარგის განვითარების ხელშეწყობის მიზნით განხორციელებულ რეფორმებზე, ასევე ვენახების კადასტრის პროგრამის და ადგილწარმოშობის დასახელებებისა და გეოგრაფიული აღნიშვნების დაცვის შესახებ რეგულაციების მნიშვნელობაზე. 

მინისტრმა ყურადღება გაამახვილა ევროკავშირთან ასოცირების შეთანხმების მნიშვნელობაზე და ევროკავშირის მიერ სოფლის მეურნეობისა და გარემოს დაცვის კუთხით განხორციელებული რეფორმების მხარდაჭერაზე.

„ევროკავშირი საქართველოს უმნიშვნელოვანესი პარტნიორია. ჩვენ მნიშვნელოვანი პროგრესი გვაქვს ევროკავშირის კანონმდებლობასთან დაახლოების, ასევე  ევროკავშირის რეგულაციებისა და დირექტივების ეფექტიანი დანერგვის კუთხით“, - აღნიშნა ლევან დავითაშვილმა.

შეხვედრაზე საუბარი შეეხო მევენახეობა-მეღვინეობის, ხორბლის ჯიშების სელექციის, მეთესლეობის განვითარებისა და სოფლის მეურნეობის სამეცნიერო-კვლევითი მიმართულებით მოლდოვასთვის საქართველოს გამოცდილების  გაზიარების შესაძლებლობებს,   ასევე განახლებადი ენერგიის გამოყენებისა და წყლის რესურსების ინტეგრირებული მართვის საკითხებს.

მოლდოვის რესპუბლიკის ელჩმა, გეორგ ლეუკასმა საქართველოს მიერ დარგში მიღწეული შედეგები დადებითად შეაფასა და ერთობლივი პროექტების განხორციელებისა და აქტიური თანამშრომლობის  სურვილი გამოთქვა.

(NS)

ავტორი: ექსპრესნიუსი,

სოციალური ქსელები

კმარა სუნთქვა აღარ შეგვიძლია - თურქეთში ათასობით ადამიანი ჟურნალისტების დაკავებების წინააღმდეგ გამოვიდა

სეს: სუნელ-სანელებლებში სუდანის ჯგუფის აზო-საღებავები გამოვლინდა

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს