„თავდაცვის სამინისტროს განცხადებაში პოლიტიკური ასპექტები არ უნდა ყოფილიყო“, – ამის შესახებ პარლამენტის ფრაქცია „ქართული ოცნება–რესპუბლიკელების“ თავჯდომარე დავით ბერძენიშვილმა განაცხადა.

ბერძენიშვილმა  თავდაცვის სამინისტროს მიერ გავცელებული განცხადება დაღუპული ქართველი მეომრის შეურაცხყოფად შეაფასა.

„ეს არის უნებული შეურაცხყოფა დაღუპული ქართველი ოფიცრისა, მეომრისა, ასევე იმ ადამიანებისა,  სამხედროებისა, რომლებიც უკრაინაში უკრაინისა და საქართველოს საერთო მოწინააღმდეგის, რუსეთის წინააღმდეგ იბრძვიან. ეს არ არის სწორად შერჩეული არც ტონი, არც შინაარსი და  პოლიტიკური ასპექტები თავდაცვის სამინისტროს  განცხადებაში არ უნდა ყოფილიყო“, – აღნიშნა ბერძენიშვილმა.

ცნობისთვის, 31 წლის ალექსანდრე გრიგოლაშვილი, რომელიც “აიდარში” იბრძოდა, 18 დეკემბერს დაიღუპა.

ქართველი სამხედროს უკრაინაში გარდაცვალების შესახებ საქართველოს თავდაცვის სამინისტრომ განცხადება გაავრცელა. სადაც უწყება, გრიგოლაშვილის დაღუპვის გამო მწუხარებას გამოთქვამს და ოჯახის წევრებს უსამძიმრებს.

თუმცა, თავდაცვის სამინისტრომ, ალექსანდრე გრიგოლაშვილის გარდაცვალების გამო პასუხიმსგებლობა ყოფილი ხელისუფლების წარმომადგენლებს დააკისრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა