მეტროპოლიტენის თანამშრომლების გაფიცვის გამო, საფრანგეთის დედაქალაქ პარიზში ტრანსპორტის მოძრაობა პარალიზებულია, - ამის შესახებ BBC იუწყება. 

მედია საშუალების ინფორმაციით, გაფიცულები პრეზიდენტ ემანუელ მაკრონის ინიციატივას აპროტესტებენ, რომელიც პენსიას შეეხება. მაკრონი აცხადებს, რომ ქვეყანაში უნივერსალური პენსია უნდა ამოქმედდეს და ეს სამართლიანი იქნება. 

მედიის ცნობით, დღეს მოქმედი კანონით, მემანქანეებს აქვთ უფლება რთული სამუშაო პირობების გამო, პენსიაზე, სხვებთან შედარებით 8 წლით ადრე, 55 წლის ასაკში გავიდნენ. ცვლილების შემდეგ, რომლის განხილვა პარლამენტში 2020 წლის დასაწყისშია დაგეგმილი, საპენსიო ასაკი გათანაბრდება. 

ამ კანონპროექტმა მემანქანეებში უკმაყოფილება გამოიწვია, რის გამოც მათ გაფიცვა გადაწყვიტეს. აღსანიშნავია, რომ 2007 წლის შემდეგ ეს საფრანგეთში ყველაზე მასშტაბური გაფიცვაა. ამ დროისთვის, პარიზის მეტროს 16 ხაზიდან მხოლოდ 6 მუშაობას, ისიც შეფერხებით. ფაქტმა საფრანგეთის დედაქალაქში ქაოსი გამოიწვია. მოსახლეობას სკუტერებით და ველოსიპედებით უწევს გადაადგილება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს