საპარლამენტო უმრავლესობის ლიდერი გია ვოლსკი "თიბისი ბანკის" ერთ-ერთი დამფუძნებლის, ბადრი ჯაფარიძეს ბრალდებებს პოლიტიკურ ველზე პოზიციების გაძლიერების ფანდს უწოდებს.

ვოლსკი მიიჩნევს რომ ჯაფარიძემ, რომელმაც პოლიტიკაში მოსვლა გადაწყვიტა, პასუხი უნდა გასცეს ყველა იმ კითხვას, რომელიც მისი მისამართით არსებობს - მათ შორის განმარტებები გააკეთოს „17 მილიონის აორთქლების“ ფაქტზე.

"ყოველთვის ვამბობდი, რომ პოლიტიკა თუ საზოგადოებრივი მოძრაობა თუ საქმიანობა არ არის თავშესაფარი მაშინ, როცა 17 მილიონის აორთქლებას გედავებიან. პასუხი ამაზე უნდა გასცე და არა ის, რომ ედავო ადამიანებს, რომლებსაც პოლიტიკაში შენ წინააღმდეგ გალაშქრებას აბრალებ. როცა პოლიტიკაში შემოდიხარ, საკითხებზე პასუხები უნდა გქონდეს და არა ყურადღების მიქცევის ეს ახალი ფანდი. თუ განათლებაში 221 ათასი ლარის ჩადება უნდა, ჩადოს, ფული არ აქვს თუ რა? უნდა, კრედიტი მომცეს და შემდეგ ეს კრედიტი მის ანგარიშზე შევიტანო და იქიდან დახარჯოს ახალგაზრდების განათლებისთვის თუ სხვა ქველმოქმედებისთვის? რა უბედურებაა? რა გადაწყვიტა? - ამით ყურადღებას მიიქცევს და პოლიტიკურ ველზე პოზიციებს გაიძლიერებს? განცხადებები გააკეთოს იმაზე, რა უქნეს 17 მილიონ დოლარს, როგორი სქემით მოახერხეს გაცემა ისე, რომ მომსახურება არ იყო უზრუნველყოფილი კრედიტზე, როგორ მიიღეს საკუთარ ანგარიშზე და როგორ გადაიყვანეს, გადარიცხეს ოფშორულ ზონაში. ყოველთვის ვამბობ, სასამართლო გაარკვევს ყველაფერს, მაგრამ ვინაიდან ბრალდებაა, პასუხი ამას უნდა გასცე და არა გია ვოლსკის თუ სხვას ედავო იმისთვის, რომ ღირსება შეგილახეს, რომელიც დიდი კითხვის ნიშნის ქვეშ დგას. ფაქტია, რომ ეს ფანდია და თავიდან მოშორება უნდა მთავარი კითხვების. ედავებიან და პასუხი უნდა გასცეს. ამბობს, რომ ვინაიდან პოლიტიკაშია, აბრალებენ და აბსურდებს იგონებენ. ეს არ არის შეურაცხყოფა? თუ პოლიტიკურ ველზე ხარ, კეთილი ინებე და პასუხი გაეცი იმ საკითხებს, რაზეც გედავებიან და არა ის, რომ პირიქით, აბსურდული ბრალდებები მოიგონოს" , - განაცხადა ვოლსკიმ.

შეგახსენებთ, რომ ბადრი ჯაფარიძე პატივისა და ღირსების შემლახველი განცხადებების გამო გია ვოლსკისთვის სასამართლოში ჩივილს აპირებს. მისი განცხადებით, სააპარლამენტო უმრავლესობის ლიდერისთვის 221 952 ლარის ოდენობით ფინანსური სანქციის დაკისრებას მოითხოვს, რომლითაც ახალგაზრდების განათლებას დააფინასებს.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს