"სახელმწიფოს და მათ ინტერესებში შედის ის, რომ საქმე დროულად ამოიწუროს და კითხვებზე, რომლებიც არსებობს, პასუხები გაეცეს", - ასე უპასუხა საქართველოს პარლამენტის თავმჯდომარემ არჩილ თალაკვაძემ ბიზნესმენ მამუკა ხაზარაძის განცხადებას, რომ გიორგი გახარიას მიერ გაგზავნილ წერილთან დაკავშირებით ექსპერტიზამ "სერიოზული შედეგები დადო". 

როგორც თალაკვაძემ აღნიშნა, ის პოლიტიკურ განცხადებას ვერ გააკეთებს, რადგან დასკვნა საგამოძიებო ორგანომ უნდა დადოს. მასივე თქმით, მთავარია, რომ "თიბისი ბანკს" მუშაობაში ხელი არ ეშლება. რაც შეეხება წერილს, თალაკვაძე მიიჩნევს, რომ თუ არსებობს ექსპერტიზის შედეგები, ან დამატებითი მტკიცებულებები, მხარემ უნდა წარადგინოს სასამართლოში.

"რაც მთავარია "თიბისი ბანკი, რომელიც არის ქვეყნის ერთ-ერთი წამყვანი ინსტიტუტი, ფუნქციონირების შეუფერხებლად. ის სარგებლობს იმ კანონმდებლობით და საერთო თამაშის წესებით, რომლითაც სარგებლობენ სხვა კერძო ბანკები საქართველოში. შესაბამისად "თიბისი ბანკის" საქმეს და მომავალს საფრთხე არ ემუქრება. რაც შეეხება ბატონ ხაზარაძეს და მის დავას, ამასთან დაკავშირებით პოლიტიკურ კომენტარს არ გავაკეთებ, რადგან ეს არის გამოძიების საქმე და მოდით მივცეთ საშუალება, რომ მართლმსაჯულების სისტემამ თავის საქმე გააკეთოს. ჩვენს ინეტერესბში შედის, რომ გამოძიება დროულად დასრულდეს და კითხვები, რომელიც არსებობს, მალე გაეცეს პასუხი", - განაცხადა პარლამენტის თავმჯდომარემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლელო: რეჟიმი ცდილობს ბიზნესის ხმა ჩაახშოს, ჩვენ ამ ხმას გავაძლიერებთ

თეთრი სახლი: აშშ ირანის მხრიდან გარკვეულ პროგრესს აღნიშნავს

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა