იუსტიციის მინისტრის თეა წულუკიანის განცხადებით, საქართველოს ყოფილ პრემიერ-მინისტრთან მამუკა ბახტაძესთან მუშაობა კომფორტული იყო.

როგორც წულუკიანმა განმარტა, მნიშვნელოვანია მთავრობის მეთაურმა გამონახოს დრო, იმისათვის, რომ მინისტრთა კაბინეტის წევრებთან კომუნიკაცია ჰქონდეს და საჭიროებბის შემთხვევაში დაეხმაროს. 

"მამუკა ბახტაძე იყო გამორჩეული პრემიერი. მასთან მუშაობა, ჩემთვის, როგორც ერთი რიგითი მინისტრისთვის, კომფორტული იყო. მან იცოდა მოსმენა, კითხვაზე სწორი პასუხი. ეს ძალიან მნიშვნელოვანია, როდესაც ხელმძღვანელობ ისეთ უწყებას, როგორიც არის იუსტიციის სამინისტრო. მნიშვნელოვანია, პრემიერი პოულობდეს დროს, მოუსმინოს მის მინისტრს და დაეხმაროს მართვაში. მინდა, საჯაროდ მადლობა გადავუხადო მამუკა ბახტაძეს მუშაობის ასეთი ხარისხისთვის", - განაცხადა თეა წულუკიანმა.

რაც შეეხება პრემიერობის კანდიდატად გიორგი გახარიას წარდგენას, იუსტიციის მინისტრი მიიჩნევს, რომ ეს კარგი გადაწყვეტილებაა. 

"პროცესის თუ როგორ შეირჩა პარტიის შიგნით პრემიერი, მე არ დავსწრებივარ, მაგრამ დარწმუნებული ვარ და როგორც ვიცი, მთავარი რის გამოც შეირჩა, ბატონი გიორგი გახარია არის ის, რომ ბატონი გიორგი არის ჩვენს შორის ერთ-ერთი საუკეთესო. სამტავრობო პროგრამაში ჩვენც ვიყავით ჩართული მასთან ერთად და ვფიქრობ, რომ ეს პროგრამა ჩვენ მიგვიყვანს შედეგებით 2020 წლის არჩევნებამდე", - განაცხადა წულუკიანმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს