"20 ივისის ღამე - ეს არის ტკივილი და ტვირთი, რომელიც სიცოცხლის ბოლომდე გამყვება მე და დარწმუნებული ვარ, გაყვება საქართველოს თითოეულ მოქალაქეს", - ამის შესახებ საქართველოს ყოფილმა პრემიერ-მინისტრმა მამუკა ბახტაძემ ჟურნალისტისტებთან შეხვედრის დროს განაცხადა.

ჟურნალისტმა მამუკა ბახტაძეს 20 ივნისის ღამეს გაკეთებული განცხადება გაახსენა, როდესაც განაცხადა, რომ რეზინის ტყვიები და ცრემლსადენი გაზი "ქართული ოცნების" ხელისუფლების ხელწერა არ არის, ხოლო რამდენიმე წუთის შემდეგ, სპეცრაზმმა რუსთაველის გამზირზე, პარლამენტის წინ მყოფი ადამიანების წინააღმდეგ სპეციალური საშუალებები გამოიყენა. 

"რაც შეეხება ჩემს მაშინდელ სიტყვას აქაც სიტუაცია იყო ძალიან ერთმნიშვნელოვანი. 7 წელია რაც "ქართული ოცნება" არის ხელისუფლებაში და ვფიქრობ, რომ ხელისუფლებამ მოახდინა იმის დემონსტრირება თუ რა ღირებულებებით საუბრობს ის საზოგადოებასთან. როდესაც მე ეს სიტყვები ვთქვი, ბუნებრივია განწყობა იყო ერთი და ის ერთი წამითაც არ შეცვლილა არასდროს, მაგრამ ამავე დროს თქვენ ნახეთ ის კადრები თუ როგორ მიმდინარეობს პარლამენტის შტურმი, პოლიცია იმ კორდონს ვეღარ ამაგრებდა და წინააღმდეგობას შტურმს ვერ უწევდა. მათ სამწუხაროდ მოუწიათ სპეციალური საშუალებების გამოყენება. ეს არის დიდი ტკივილი, რომელიც პირადად მე სიცოცხლის ბოლომდე გამყვება", - განაცხადა მამუკა ბახტაძემ.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს