ე.წ. სამხრეთ ოსეთის დე-ფაქტო პრეზიდენტის სრულუფლებიანი წარმომადგენელი პოსტკონფლიქტური მოგვარების საკითხებში მურატ ჯიოევი აცხადებს, რომ ოკუპირებულ ცხინვალს მხოლოდ ერთი მოთხოვნა აქვს და ეს ქართული მხარის საგუშაგო აღებაა. 

როგორც ჯიოევმა ერგნეთში გამართული შეხვედრის დასრულების შემდეგ განაცხადა, ქართული მხარე დათმობაზე არ მიდის. 

"ჩვენ გვაქვს მხოლოდ ერთი მოთხოვნა - რომ საგუშაგო, რომელიც სიტუაციას ამწვავს, აიღონ. ქართული მხარე დათმობაზე არ მიდის, მიუხედავად იმისა, რომ მათ მიერ ჩამოყალიბებული არგუმენტები ჩვენთვის მიუღებელია. ჩვენ ვამბობთ, რომ საუბარია მოსახლეობის უსაფრთხოებაზე, მაშინ დადგან საგუშაგო თავიანთ ტერიტორიაზე, რა შუაშია აქ ჩვენი სოფელი. რამდენიმე საათიანი შეხვედრის შემდეგ, შევთანხმდით იმაზე, რომ დიალოგი უნდა გაგრძელდეს. შევთანხმდით, რომ მორიგი ტექნიკური შეხვედრა 2 სექტემბერს, დღის მეორე ნახევარში გაიმართება. ცხინვალს აქვს ძალიან მკაფიო და უცვლელი პოზიცია, რომ საგუშაგო არ უნდა დაიდგას, რადგან ის სიტუაციის დეესკალაციას უწყობს ხელს", - განაცხადა მურატ ჯიოევმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო