მე და ჩემი დაცვის ქვეშ მყოფი დარწმუნებულები ვართ, რომ მის ქმედებაში რაიმე დანაშაულის ნიშნები არ არსებობს - ეს განცხადება TV პირველის მფლობელის, ვატო წერეთელის მამის, ავთანდილ წერეთელის ადვოკატმა კახა წერეთელმა ჟურნალისტებს  პროკურატურაში, მისი დაცვის ქვეშ მყოფის ბრალდების ჩასაბარებლად მისვლისას განუცხადა.

ადვოკატმა აღნიშნა, რომ ავთანდილ წერეთელი საქართველოში არ იმყოფება და ჩამოსვლისთანავე პროკურატურის ყველა კითხვას პასუხს გასცემს.

"ავთანდილ წერეთლის პოზიცია არის ის, რომ მას არანაირი მონაწილეობა რაიმე დანაშაულებრივ საქმიანობაში არ მიუღია და ის დარწმუნებულია, რომ ბრალდება იქნება დაუსაბუთებელი. ადრეც იმყოფებოდა ავთანდილ წერეთელი გამოკითხვაზე და დაახლოებით ცნობილია ჩვენთვის ის გარემოებები, რაზეც მიმდინარეობს გამოძიება და ამიტომ, ჩემი დაცვის ქვეშ მყოფი და მეც დარწმუნებულები ვართ, რომ მის ქმედებაში რაიმე დანაშაულის ნიშნები არ არსებობს.

ნამდვილად არ ვიცი, იმ პერიოდში როგორ იყო გადანაწილებული წილები, თუმცა საუბარია 10-11 წლის წინ კონკრეტულ ტრანზაქციებზე და ავთანდილ წერეთელი ყველა შეკითხვაზე გასცემს პასუხს. ის უბრალოდ დღეს არ იმყოფება საქართველოში, მისთვის მოულოდნელი იყო, რომ დღეს ეს ღონისძიება იგეგმებოდა, შესაბამისად, ჩამოსვლისთანვე ის ნებისმიერ გამოძახებაზე გამოცხადდება და გასცემს ყველა შეკითხვას პასუხს",- განაცხადა კახა წერეთელმა.

ავტორი: ექსპრესნიუსი,

სოციალური ქსელები

„საწვავის კრიზისი სოციალურ კრიზისში გადაიზრდება“ - ВЦИОМ პუტინის მოწონების რეიტინგის ყველაზე მკვეთრი ვარდნა დააფიქსირა ბოლო რვა წლის განმავლობაში

GITA-ს ორგანიზებით და ბაზისბანკის მხარდაჭერით ზუგდიდის ტექნოპარკში აგრო-ჰაკათონი AgriHack 2026 გაიმართა

თურქეთი ერთიან ევროგადახდების სივრცეში გაწევრიანებას გეგმავს

1000 დღე ომის დაწყებიდან - თელ-ავივში მრავალათასიანი აქცია გაიმართა