საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტი ეროვნულ-დემოკრატიული ინსტიტუტის (NDI) დახმარებით შეზღუდული შესაძლებლობის მქონე ქალთა ჯანმრთელობის დაცვის სერვისებზე წვდომის საკითხზე საკომიტეტო მოკვლევას იწყებს.

კვლევის პრეზენტაცია დღეს სასტუმრო „შერატონში“ გაიმართა. შეხვედრას საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის მოადგილე რატი იონათამიშვილი, ეროვნულ-დემოკრატიული ინსტიტუტის მიერ მოწვეული ექსპერტი მაკა მეშველიანი, აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, მინისტრის მოადგილები, აჭარის ა/რ უმაღლესი საბჭოს წევრები და ქ. ბათუმის მუნიციპალიტეტის საკრებულოსა და მერიის წარმომადგენლები ესწრებოდნენ.

მოკვლევის ფარგლებში სამიზნე ჯგუფებთან შეხვედრებისთვის ერთ-ერთ მუნიციპალიტეტად შერჩეულია ქ. ბათუმი. საკითხის სიღრმისეულად შესწავლის მიზნით ჩატარდება ინტერვიუები და შეხვედრები შშმ ქალებთან, ადგილობრივი თვითმმართველობების ორგანოებთან, არასამთავრობო ორგანიზაციებთან და სამედიცინო დაწესებულებების წარმომადგენლებთან.

 მოკვლევის შედეგად მომზადდება ანგარიში, რომელშიც მოცემული იქნება პრობლემების ანალიზი და კონკრეტული რეკომენდაციები სხვადასხვა სახელმწიფო სტრუქტურის მიმართ.

(NS)

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები