რეზერვუარი, რომელიც გამყოფი ხაზის პერიმეტრზე მდებარე, გორის მუნიციპალიტეტის სოფელ გუგუტიანთკარს წყლით ამარაგებს, შესალოა, მავთულხლართების მიღმა აღმოჩნდეს.

ამის შესახებ ინფორმაცია დღეს გავრცელდა.

ფრაქცია „პატრიოტები ხალხის სამსახურშის“ თავმჯდომარის მერაბ მახარაძის განმარტებით, მან ოსურ მხარეს სთხოვა, რომ წყლის რეზერვუარი არ მოჰყვეს მავთულხლართების მიღმა.

მისივე თქმით, საოკუპაციო ძალების წარმომადგენლებისგან კონკრეტული პასუხი ვერ მიიღო, თუმცა იმედს იტოვებს, რომ მისი თხოვნა გათვალისწინებული იქნება.

„სარწყავ არხზე ჰქონდათ პრობლემა. პირდაპირ გეუბნებით, დავურეკე, გამოუშვით, სარწყავი არხით ირწყვება ესთქო. იმათთან შეხვედრაც მქონდა, ოსები იყვნენ და ვუთხარი, რომ ეს ტერიტორია იქნება არ მოჰყვეს, სარწყავი არხი. მე მგონი არ მოჰყვება. გვითხრეს, რომ არაო“, - განაცხადა მახარაშვილმა.

აღსანიშნავია, რომ გუგუტიანთკართან, საოკუპაციო ძალების წარმომადგენლები მეორე დღეა არ გამოჩენილან. ამ დროისთვის ე.წ. ბორდერიზაციის პროცესი შეჩერებულია.

რაც შეეხება,  გუგუტიანთკარის მცხოვრებლებს, რომელთაც ოკუპანტებმა სახლების დემონტაჟისთვის სამდღიანი ვადა მისცეს, თითქმის დაასრულეს.

შეგახსენებთ, რომ საოკუპაციო ძალების წარმომადგენლებმა სოფელ გუგუტიანთკარში ე.წ. ბორდერიზაციის პროცესი რამდენიმე დღის წინ განაახლეს. მავთულხლართების გაბმის შედეგად,  გუგუტიანთკარში საოკუპაციო ხაზს იქით რაზმაძეებისა და გუგუტიშვილების სახლები მოხვდა. ომის დროს დაზიანებული სახლებიდან ნივთების გასატანად საოკუპაციო ძალების წარმომადგენლებმა, რაზმაძეების და გუგუტიშვილების ოჯახებს სამდღიანი ვადა მისცეს.  გუშინ კი,  საგარეო საქმეთა სამინისტროს ინიციატივით საოკუპაციო ხაზთან მდებარე სოფელ გუგუტიანთკარში თბილისში აკრედიტებული დიპლომატიური მისიების წარმომადგენლები ჩავიდნენ და ადგილზე იხილეს საოკუპაციო ძალების მიერ ხელოვნური ბარიერების აღმართვის უკანონო პროცესი და შექმნილი რთული ჰუმანიტარული ვითარება.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები