ზუგდიდში ქალს, რომელმაც დედამთილს 7000 ლარი მოჰპარა, საპროცესო შეთანხმების საფუძველზე, 3 წლიანი პირობითი მსჯავრი შეეფარდა.

ამოღებული თანხა დაზარალებულს სრულად დაუბრუნდა.

„დაკმაყოფილდეს შუამდგომლობა, დამტკიცდეს მხარეებს შორის დადებული საპროცესო შეთანხმება. ბრალდებული ცნობილი იქნეს დამნაშავედ. სისხლის სამართლის კოდექსის 177-ე მუხლის მეორე ნაწილის ა ქვეპუნქტით და სასჯელად განესაზღვროს თავისუფლების აღკვეთა სამი წლის ვადით, რაც სისხლის სამართლის კოდექსის 63-ე, 64-ე მუხლების საფუძველზე ჩაეთვალოს პირობით, 3 წლის გამოსაცდელი ვადით“, - განაცხადა მოსამართლე დავით კეკენაძემ.

შემთხვევა რამდენიმე დღის წინ მოხდა. რძალმა დედამთილს 7000 ლარამდე თანხა მოჰპარა. ქურდობის დროს სახლში სამი წევრი იმყოფებოდა. რძალმა ოჯახის კუთვნილი ავტომანქანის გატაცებაც სცადა, რის შემდეგაც დედამთილმა დახმარებისთვის მეზობლებს და პოლიციას მიმართა. რძალი მომხდარიდან 3 საათში დააკავეს.

ავტორი: ექსპრესნიუსი,

სოციალური ქსელები

უკრაინამ განაცხადა, რომ Starshield-მა 400 კმ/სთ-ზე მეტი სიჩქარე აღადგინა.

კობახიძე ღია რუსული პარტიების აკრძალვაზე უკრაინაში - პარტიების აკრძალვაზე არავის უთქვამს, რომ დემოკრატიის პრინციპს შეიძლება უკავშირდებოდეს

კობახიძე – საკონსტიტუციო სასამართლოში შეტანილი სარჩელი ეხება ერთი პოლიტიკური პარტიის არაკონსტიტუციურად გამოცხადებას, ამ პარტიას ჰქვია კოლექტიური „ნაცმოძრაობა“

კობახიძე – არავის აქვს უფლება, ჩაერიოს მართლმსაჯულების დამოუკიდებლობაში, რასაც ცდილობენ ბიუროკრატები