თუ რაიმე კითხვები დარჩა, მზად ვართ საქმე პროკურატურას გადავცეთ, - ამის შესახებ შს მინისტრმა ვახტანგ გომელაურმა მთავრობის ადმინისტრაციაში ჟურნალისტებს განუცხადა.

"თუ რომელიმე პოლიციელმა დაარღვია, ის უმკაცრესად დაისჯება. მოკვლევა დაამთავრა გენინსპექიამ, ეს მოკვლევა დაიდო, დეტალებში ვერ ჩავალ, რატომ არ ამოიღეს კამერები ან რატომ ამოიღეს, ალბათ საჭიროდ არ ჩათვალა გენინსპექციამ, რომ ის კამერები ამოეღო. ან არ იყო ინციდენტი იქ მომხდარი, ან ვერ ხედავდა ის კამერები. ზუსტად ვერ გეტყვით, თუმცა მზად ვართ, თუ რამე კითხვებია გადავცეთ საქმე პროკურატურას და გამოიძიონ",- განაცხადა გომელაურმა.

შეგახსენებთ, რომ რამდენიმე დღის წინათ ლიკა კიკიანმა გაავრცელა ვიდეო, რომელშიც ამბობს, რომ კუს ტბაზე მას რამდენიმე პოლიციელმა სიტყვიერი და ფიზიკური შეურაცხყოფა მიაყენა. აღნიშნული შემთხვევა შინაგან საქმეთა სამინისტროს გენერალურმა ინსპექციამ შეისწავლა და გამოიტანა დასკვნა, რომლის მიხედვითაც სამართალდამცავების მიერ ლიკა კიკიანის შეურაცხყოფის ფაქტი არ დასტურდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი

ვოლსკი ღარიბაშვილის განცხადებას უბადრუკ წერილს უწოდებს

19-21 აგვისტოს საქართველოში, სითბოს ფონზე მოსალოდნელია ხანმოკლე წვიმა