იუსტიციის უმაღლეს საბჭოში, უზენაესი სასამართლოს მოსამართლეობის კანდიდატთან, თეა ძიმისტარიშვილთან გასაუბრების დროს  ანა დოლიძე და სერგო მეთოფიშვილი  ერთმანეთს დაუპირისპირდნენ.

გასაუბრების პროცესში,  საბჭოს წევრმა ირაკლი შენგელიამ კანდიდატს ჰკითხა, სწორი იყო თუ არა  ქონებრივ დეკლარაციებში თანამდებობის პირისა და მისი ოჯახის წევრების საცხოვრებელი მისამართის მითითება. 

საბჭოს არამოსამართლე წევრებმა - ნაზი ჯანეზაშვილმა  და ანა დოლიძემ განაცხადეს, რომ ეს ინფორმაცია  ყველასთვის ხელმისაწვდომი არ არის.

მსჯელობის პროცესში, ანა დოლიძემ ირაკლი შენგელიას მის მიერ დასმული კითხვის გამეორება სთხოვა, რაზეც საბჭოს წევრმა, სერგო მეთოფიშვილმა განაცხადა, რომ ეს გასაუბრების ფორმატში არ ჯდება, შენგელიამ დოლიძეს „ანგარიშები აბაროს". ამის პასუხად,  დოლიძემ  მას „შარიკოვშინა" უწოდა.

თავის მხრივ,  მეთოფიშვილმა ანა დოლიძეს უზრდელი უწოდა.

„უზრდელი, თავხედი და უვიცი ხარ", - ამ სიტყვებით მეთოფიშვილმა ანა დოლიძეს რამდენჯერმე მიმართა.

„რამდენჯერ უნდა გაიმეოროთ? სასწრაფო ხომ არ გამოგიძახოთ, ბატონო სერგო, წინასწარ?", - მიმართა ანა დოლიძემ.

მომხდარს ხმაური მოჰყვა, რის შედეგადაც მცირე შესვენება გამოცხადდა.

იუსტიციის უმაღლეს საბჭოში კანდიდატ თეა ძიმისტარიშვილთან გასაუბრება რამდენიმე წუთში გაგრძელდა.

ავტორი: ექსპრესნიუსი,

სოციალური ქსელები

ტრამპის საპასუხოდ სადაც მან ნორვეგიას საპირფარეშო უწოდა, ქვეყნის ტურიზმის სააგენტომ დიდებული არქიტექტურის ტუალეტები აჩვენა

თბილისის მერია - გავრცელებულ ვიდეოში ასახული სამარხი განკუთვნილია სხვადასხვა მიზეზით გარდაცვლილი ძაღლების ნეშტების განსათავსებლად

აშშ-მ მოსკოვის ერთ-ერთ ყველაზე მონახულებად პარკში შესაძლო ტერორისტული თავდასხმის შესახებ გააფრთხილა

ინდოეთმა რუსეთს უვიზო მიმოსვლაზე უარი უთხრა