„ეს ერთკვირიანი გამჭირვალე პროცესი არის ჩვეულებრივი სპექტაკლი მაყურებლისთვის, რომლის რეჟისორიც ბიძინა ივანიშვილია“, - ამის შესახებ „რუსთავი 2“-ის ერთ-ერთმა დამფუძნებელმა დავით დვალმა ტელეკომპანიის გაყიდვის დაანონსებასთან დაკავშირებით გააკეთა.

დვალი მიიჩნევს, რომ ტელეკომპანიის  მყიდველი უკვე შერჩეულია და ის პარტია „ქართული ოცნების“ თავმჯდომარის, ბიძინა ივანიშვილის ნდობით აღჭურვილი პირი იქნება.

„პირველ რიგში ყველაზე მოულოდნელი იყო ვადები, რომ ასე სწრაფად ხდება ეს ნიშნავს იმას, რომ ხელისუფლება ჩქარობს და მოელის ჩვენგან და იგივე ეროსი კიწმარიშვილის სამართალმემკვიდრისგან, რაღაც ნაბიჯებს, რომელმაც შეიძლება ეს პროცესი შეაფერხოს. ზუსტად ამით ვხსნი იმას, რომ რაღაც ჯერ ეგ ერთი დაუგეგმავად, სრულად ადრე მოხდა და ის ვადა ერთკვირიანი, რომელიც გამოცხადდა. ეს ერთკვირიანი გამჭირვალე პროცესი არის ჩვეულებრივი სპექტაკლი მაყურებლისთვის. მე მინდა გავაფრთხილო ის პოტენციური მყიდველი, რომელიც გამოჩნდება არენაზე და რომელსაც ალბათ უშუალოდ და პირადადაც გავაფრთხილებ, რომ ვერანაირად ვერ გამოვა ის ამბავი, რომ ის იყოს კეთილსინდისიერი შემძენი. მარტივი მიზეზის გამო, ჩვენ საქმე გვაქვს გამოძიებაში და მთავარმა პროკურატურამ ჩვენ გვცნო დაზარალებულად. ეს ნიშნავს უკვე  იმას, რომ გამოიკვეთა დანაშაული ჩვენს მიმართ. ეს ნიშნავს იმას, რომ წართმეული იყო ეს ტელევიზია. მაინც შეიძენს, მაგრამ სტატუსი არ ექნება კეთილსინდისიერი შემძენის.

რეჟისორი არის ბიძინა ივანიშვილი. სხვა რეჟისორს მე აქ ვერ ვხედავ. ჯერ ჯერობით სახელი და გვარი ჩვენ არ ვიცით, მან იცის. უკვე გადაწყვეტილია დარწმუნებული ვარ და ის აუცილებლად იქნება ბიძინა ივანიშვილის ნდობით აღჭურვილი პირი, ანუ ადამიანი, რომელსაც ის ენდობა თავიდან ბოლომდე. ის სამწუხარო პროცესები, რომელსაც ვპროგნოზირებდით, მგონია, რომ ნელ-ნელა დაიწყება უკვე, ის მექანიზმები, იმაზე ლაპარაკი, რომ ჯგუფის შევიწროებაზე, საინფორმაციო პოლიტიკის შეცვლა და ა.შ. ეგ ყველაფერი უკვე ახალი მფლობელის პირობებში მოხდება“, - აცხადებს დავით დვალი.

შეგახსენებთ, 12 აგვისტოს „რუსთავი 2“-ის მფლობელმა ქიბარ ხალვაშმა განცხადა, რომ ტელეკომპანიას ყიდის.

ავტორი: ექსპრესნიუსი,

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს